18. И цевдзій Исус сонэ; и цуэрхт вульгій сонст паго; и парьн тирвхувый тестханна.
19. Танна уэпсуввэе путтин Исусе ичнис и цилхкин: мэн гуэйк мій іеп оаянч сонэ вуэехед?
20. Ну Исус цилькій сійе: тинэ віерэхемвудэ гуэйк; вуйкест сарнам тійе: готь тинест лянч віер горчица сіема шурад, и ціельхкбеттед тан тярма: мэнэ таде горрен тогэ; сон ман; и иллинче ни ми тійе матьнахтем туешемест.
21. А тат пулвдэк ій ни махт іерес налла вуехув, го малец-саній гуэйм и пэзин.
22. Куэсь сій лейен Галилеест, Исус цилькій сійе: олмо альк лянч антанч олмо-кидійт;
23. И коньтет сонэ; и коалмант піейве еаллай. И сій чуэвта пяцлужешкуттин.
24. А куэсь сій путтин Капернауме; путтин Піедра дизрахмай копчее и цильхкин: вае ант тинэ уэпсей дидрахма?
25. Сон сарн: ант. И куэсь сон мэній пэрьхте; Исус, ку эвтель мэній тогэ, цилькій: кохт тонэ милэст ли, Сымман? Іемней царэ, кіесьт сій вальтеб пошлине, или чоаηге? иджес эльгійн, или верес олмыйн?
26. Піедар сонне сарн: верес олмыйн. Исус цилькій сонне: нит ліеб альге лупс.
27. А што мій синыйт іеп выгче ряхка, мэнэ міерэ горра, лушьт вуηк; и вальт автмус куле, ку попахт; и куэсь тон аведах сонст няльме, ковнах статире; вальт сонэ, и аньт сійе мунэ эвтель и иджант эвтель.
Кавцемпдогант алкхэш.
Тэн вуэрэ уэпсуввэе путтин Исусе и цильхкин: кіе ли шуремус альм-царствест?
4
