5. Куэсь сон вял сарнай, кич, чуввис пэлв синыйт кэпсхэдій; и кич, ин пэлвест сарнэшкудій: тат ли мунэ шабэшем-альк, ку ли мунэ миллэд мильт; сонэ култлеккед.
6. И куэсь уэпсуввэе куллин, сій коммаде оайкьиттин касвайдис элэ и чуэвта суркнин.
7. А Исус пудій, лыксеттій синыйт, цилькій: коцьеккед, и іеллед пэллэд.
8. Ну куэсь сій аведин чельмійдис, іеб уйнанч ни кіен еарас готь эвт Исус.
9. И куэсь сій нійин тіерьмест вуэлас, Исус кильдій синыйт, сарнай: іеллед сарнед ни кіез тан уйнем баяс, кон олмо парьн ій еалло ямьійн.
10. И кэччин сонст сонэ уэпсуввэе: кохт шыт кирь-кидэ сарнеб, што Ильля быт пуэттед эвтлест?
11. Исус цилькій сійе вуэста: тат ли вуйкедвут, Ильля быт пуэттед эвтель, и сіеттед пук.
12. А сарнам тійе, Иль пудій, и іет тидханч сонэ, а туйшиш соныйн кохт тахтуш; нит и олмо альк валт вайве синый гіеччен.
13. Танна уэпсуввэе антшин, што сон сарнай сійе Эвван Рыстее баяс.
14. Куэсь сій путтин олмый горра; пудій сонне олмунч, кэччій пулвый элэ сонэ эвдест;
15. И цилькій: Господи, шалэшув мунэ альге; сон от манай мильт вуэр, и чуэвта мухкшув; тэн гуэйк што товье суэхпдахт толле и товье чацца.
16. Мун похтлим сонэ тонэ уэпсувьійт, и сій іеб оайянч сонэ тирвхахтед.
17. Ну Исус вуэста цилькій: ой віерхеммес и маст маццанч пулвдэк! кон рая мун линчим тиный гуэйм? Куккеа мынне лянч киршед тиныйт? похтед сонэ мынне тиге.