Page:Евангелие от Матфея, Марка, Луки и Иоанна на мордовском языке (М. Е. Евсевьев, 1910).djvu/263

From Wikisource
Jump to navigation Jump to search
This page has been proofread.

Еван. отъ Іоанна гл. 9.


да шляк. Мон молинь, шлинь да нейме карминь. 12Сестэ мерьсть тензэ: косо се (ломансь)? Сон мерьсь: аздан. 13Ветизь, икелень сокорсть фарисейтьненень. 14А чись субуталь, кода Іисус тейсь рудаз да панжиньзе сонзэ сельмензэ. 15Кевстизь сонзэ фарисейтьне-як истяжо, кода сон кармась нейме. Сон мерьсь тенст: рудаз путсь монь сельмень лаҥгс, мон шлинь да неян. 16Конат-конат фарисейтьнень эйстэ кортасть: Те Ломансь аволь Пазонь пельде: субута а кирьди. Ліят кортасть: кода пежетев ломаннень теевить истят тевтьне? Истя ульнесь сынст ютковаст пелькстамо. 17Таго мерить сокорстень: тон мезть мерят Соньдензэ: Сон ведь тонть сельметь панжинзе? Сон мерьсь: те пророк. 18Сестэ Іудейтьне эсть кемть, што сон сокор ульнесь да нейме кармась се шкас, знярдо терьдизь се нейме кармицянть тетянзо-аванзо 19да кевстизь сынст, мерезь: те ли тыҥк цёраҥк, конатадо тынь кортадо, што сокурсто шачсь? кода сон ино ней неи? 20Сонзэ тетянзо-аванзо мерьсть тенст: минь содасынек, те минек цёрась да сокурсто шачсь; 21а кода ней сон неи, а содатанок, ки панжинзе сонзэ сельмензэ, седе-як а содатанок, сон сонсь уж покш, сонсинзэ кевстиҥк, кадык сонсь эсьтедензэ ёвты. 22Истя кортасть тетянзо-аванзо еврейтьнеде пелезь: ведь еврейтьне кортасть эсь ютковаст: ки Іисусонь путсазо Христозокс, сень синагогасто панемс. 23Секс сонзэ тетянзо-аванзо мерьсть: Сон сонсь покш, сонсинзэ кевстиҥк. 24Терьдизь омбоцеде ломаненть, кона ульнесь сокор да мерьсть тензэ: шнык Пазонть, минь содасынек се ломанесь пежетев. 25Сон тень

255