Norhasim: „Manabi parkara lombhoeng dhisa ka'into kaoelă lakar tjè' mopakatta tor tjè' ngalemma, ampon kanjata'an kaghoena'anna, engghi ka'into nalèka ana' kaoelă adhingghål dhoennja, kaoelǎ kalerressan ta' angghadhoei pa-ponapa, ladjhoe njabis ka radhin Komettèr[1], parlo njo'ona ngèndjhăm padi è lombhoeng dhisa. Sareng dhin komettèr kaoelă pas èparèngè ngèndjhăm padi tello polo èntèng ta' kalaban abhoet.
Manabi kaoelă ngèndjhăm ka orèng laèn, tanto modoe'i bănnja', tor kadhăng abhoet sè ollèa, dhăddhi ta' kèngèng ètjagherrăghi ongghoe ka orèng sè mangghi kasossa'an.
Ghi' dhingèn nalèkana lombhoeng dhisa bhoeroe èpaddhegghă, sareng naghărǎ kaoelă èponḍhoedhi sabbhan padi sabhǎoe sapèkol; kaoelǎ arassa ta' patè rembhak. Anangèng samangkèn, manabi épondhoedhi polè, ma' partjoma saka'into, samèlèa èpakon orokè, ghi' mator engghi, ta' mator bhoeten. Ponapa polè samangken padi bhănḍhăna ghella' ampon èpabăli. Sarengngan polè kaoelă tjè' pèrakka saamponna mèreng kabăr, djhă' orèng tanè (doemè') kèngèng matoro' padina è lombhoeng dhisa. Manabi lerres kabăr ka'into, tanto tjè saèna ongghoe, sabab sè andi' ta' kabatèr padina èkètjo'a orèng."
Djhoertolès: „Padjhat bărinto ongghoe kabǎrră. Molana kangsè sanonto ghi' ta' èdjhălănnaghi, marghă ghi' taḍă' kennengnganna.
Pya, ma' ker-taker abit dhin Mantrè-landbouw rowa sè raboeă! Mènorot dhaboena èḍălem asta'anna ka lora kalèboen, sè raboeă dă'ănto nèko laenna dări nerrangngaghiă lalakon sè kappra, parlo nerrangngaghia kèja bhǎb èlmo kasoghian.'
Haddjhi Băkkri: „Nerrangngaghia elmo kasoghiăn, engghi?”
Djhoertolès: ་་Engghi tja'na."
Haddjhi Băkkri: „Pya, ontong ongghoe orèng ka’ijă, karan taḍă' orèng dhisa ka'ija. sè ta' terro soghiă. Dări lambă'na lambă' kantos samangkèn manossa èntar ka man-kaʼ imman kennengngan , ta' lạèn sè èsaddjhă , nèng terro adjhără èlmona orèng terro soghiă . Mangka samangkèn băḍă pardjădji pènter, kasokan băboeroeghan parkara angghăpanèka . Eh , mandhăr dhoeliă dăteng, Ghoestè, kaoelă kabhoeroe onènga !"
Ma'na Iddris: „Mon ongghoe tjara ghaneko, padjhăt tjè' bhenderră, sabab rassa boelă sakabbhiănna orèng paḍă aghoeroe njarè kasoghian. Tjara dhika, dji' Towan, ta' kèra băngal ka sompana mon ngalèng, djha' ta' aghoeroe parkara ghănèko."
Haddhji Bǎkkri: Pya. ma' katok pènterra ngalowarraghi rosèjana orèng, dhika, ka'. Parkara ghénèko ta' ambhoe kotja'aghi, sabab sakabbhianna orèng tanto pon padă tao, tjoma băḍă sè
- ↑ Dări otja Bălăndha „Gecommitteerde, "artèna: orèng sè kawădjibhăn nalèktèkè lombhoeng dhisa, sarta kowasa maendjhăm paḍi
