Mad Hapi: „Ah, mon mongghoe ka boelă parkara ghănèko ta' èkasossa, sabab lombhoeng dhisa nèko aghoena ka boelă băn dhika; sakola dhisa engghi aghoena ka ana' boelă băn dhika. Maddhă, na, pèkkèr : kandhinna anana dhika băn boelă èpasakola ka koṭṭa, bărămma rassana atèna dhika băn boelá, tanto kabǎtèr samanè băḍăna è djhălăn, sabăb djhǎoe, napè polè sangona kodhoe bănnja', sarta angghoejja kodhoe bhaghoes samanè. Anangèng mon èpasakola è sakola'an dhisa, èkennèng bhănḍhai sakone' (sakadhărră). Napè ghoenana anana dhika băn boelă épasakola ka koṭṭa, sabǎb ta' terro èpadhăddhiă pardjădji, nèng terro èpataoa nolès băn matja malolo. Napè polè tja'na lora djhoertolès sanonto bădă sè ngangghoej pangadjhărǎn parkara tatanèn, napè ta' tjè' ontongnga?!”
Norhasim: „Engghi, mongghoe ka orèng sè andi' ana', padjhăt ta' èkarassa berra' (sossa); anangèng mongghoe ka boelă, sossana ta' andi' ana', dhăddhi nèng arassa rogi malolo.”
Djhoertolès: „Padjhăt tjara ghănèko pèkkèrra orèng dhisa sè kabănnja'an, ta' andi' nèjat sakalè sè ghǎntèa tolong bi' tjakantjana; mon taḍă' pèkolèna ka abă na,, ta' endă' makalowar pèssè, maskè nèng satengnga essèn. Rassa boelǎ ka' Norhasim sè èponchoedhi pèssè sombhăngan bi' naghără ta' kèra lebbi dări sasoko; anangèng ropana aba'na ngaḍhoes serrona, arassa rogi, halla sakola'an dhisa nèko mèghoenaè ka orèng sadhisa ḍinto. Napè èman makalowar pèssè sasoko sè la njata radjă ghoenana, metolongè ka là bhălă bản tatanggha, njoppre andi’a pangataoan? Mon tja'na boelă makalowar pèssè tjara ghănèko sarat asandhekka ka èssèna dhisa. Băn polè ka' Norhasim èkennèng kotja' atotolong ka sana' bhărădjăna dhibi'. Pola dhika, ka', mè' ta' andi' tarètan otabǎ bhălă kasoranga bhălăkka', sè eboeḍi arè bhǎkal noro'a asakola kèja? Mohal mon ngotja'a ta' andi'”.
Haddjhi Băkkri: „Tjè' lerressa dhaboena pandjhennengngan ka'into. Mongghoe ka kaoelă, samèlèa ta' angghăḍhoei ana' kasoranga, ta' èman makalowar pèssè sombhăngan sasoko kantos sadjhămpel, sè maghoenaè ka orèng bănnja' mènangka dhǎddhi tandhǎ karokonan, sabab ampon bădă è tja'-otja'anna orèng wa-towa: ,,Lentè satengkes ta' ghumpang ekenning potel; tapè lèntè sèttong tjè' ghămpangnga potellanna." Artèna saka'into; băbătek rokon, sarodjoe' sareng tja-kantja panèka, maghămpang sadhǎdjǎna lalakon; tapè manabi ta' saka'into, sadhădjă lalakon. ta' kèra băḍă pèkolèna. Djhǎ' sakenga dhika, Norhasim, pon tao ngèding tjarèta èdalem boekoe 22 Băboeroeghăn ana-bărna" angghidhanna D. K. Arḍiwinata, tanto so'è njata ka dhika, djhǎ' manossa oḍi' è dhoennja neko tjè' parlona ngangghoej tabi'at rokon, sarodjoe' sarta èsto ka tja-kantja.”
Djhoertolès: „Ka' Norhasim! bărămma panèmbhăngnga dhika bhab lombhoeng dhisa?”
