( 8 )
Lindagan neng eran linub ya qñg auang
at qñg sinaquirap mitda ya iti nan
é ra ne pin iquit caring panimanman
tane quilub bale icua nang miralan.
Queta guinalapac á matning culubug
ing dalig ning bale ya pa lang meluslus
nanan qñg pablasa ta-ne maruruluc
calat na ing api lual ampon quilub
Nanu-ta canita miuman-uman ditac
linipat qng auang daralan neng anac
cucumunan na ya caring queang gamat
ali na picabiang ing páli at lablab.
Pati na itang capirasung duyan
ning anac á pungul queang catudturan
marapal ya queta tinipa ne lalam
caring pengari na agad neng inaduang.
Deta ning mequiglo lub da migmulala
ita ning merapat anti uaring mala
nung macananu neng ing anac ayacua
ing lablab at páli é na-na guenaca.
Bista't macañan man ita ning depat na
caniting mabandi é pepaquilala
memun neng inagad careting miasaua
at mibalic ne pin canitang bale na.
