( 6 )
Dacal qñg lub da uli na ning lunus
cuanan de ing anac ban é ya maruluc
sasasal carela maragul á tacut
¿ninu mo ing bisa qug api matampus.?
Ita mang matapang mabangis á ibpa
caretang calulu ampon pang maluca
metung yang bauguin é bisang sagana
qñg lablab ning api tatacut yang bina.
Ban ne sang samsaman canita ning lablab
ita ning anac da qñg ba yang miligtas
uli na ning tacut ala yang arapat
nun é na ing tangis dacal á gulisac.
Penĝacu na queta ing cayatinan na
ninu mang micabus canitang anac na
ala ping menganĝas metung man caretang
taung macarungut uli ning tacut da.
Tutu't maulaga ing bandi't salapi
lalu qñg maluca á lipit qñg bili
lacuas nang mabayat nung uculan uari
ing bie ning tau ali na misubli.
Mabayat ping bina aguiang quenu ata
ing bie ning tau nung yang mauala
iña ding mequiglo metung man pin ala
migcusang menĝanĝas qñg anac meminĝua.
