Püri vicí
- Püri vicí.
O püri os vicí cafora!
Ci frëit messëise os döré
te cösc frëidun y ont dagnora!
Ci mai ciafëise da mangé?
Coris é sën i lëns con bröma,
olá che osta coa palsâ,
sotrata con morjela plöma,
y fëia osc alberch stopâ.
Sön lëns coris con flus y fëia
dalunc da tlo t' en bel paîsc
s' la god dassënn de bona vëia
y cianta alegri üsc amisc.
Al pö che belo conescëise
chʼ i s' á orü dagnora bun;
gonot sön mia finestra gnëise,
dër ienn se vëighi sön balcun.
O gnide ete, püri pici,
te stöa cialda a se scialdé!
I sun sogü i mius amizi!
Porcí pa stëise a se dlacé?