Nun hest tü mê amo?

by Gian Fadri Caderas

←Ün bütsch d'amur ed üna padella

Fluors alpinas  (1883)  by Gian Fadri Caderas Nun hest tü mê amo?

Che fest co auncha tü?→

[ 70 ]

Nun hest tü mê amo?^[1]

Nun hest tü mê amo? Allur', pürmemma,
Est sfortüno sün terra pellegrin;
Nun hest contschieu quella costaivla gemma;
La flur pü bella del umaun zardin,
L'amur?

Nun hest vivieu aint in orma chera?
Nun hest vivieu in ün sulet accord,
Sco vivan fluors unidas sün ün' era
E be divisas vegnan tres la mort?
Dolur!

Allur' per te la vita non füt vita;
Nun hest amo? Quaunt pover est tü mê!
Sco salsch plandschant est tü, sün era mütta,
Sulet, smancho, cridand sül fraid vasche
D'amur.

Notas

1. Poesia coruneda al Concuors letterari internaziunel (Jeux Floraux de Provence) a Forcalquier als 15 Meg 1882.