Novella IX della Giornata I del Decamerone. Mareo

From Wikisource
Jump to navigation Jump to search
Novella IX della Giornata I del Decamerone. Badia  (1875)  by Cyprian Pescosta
ladin mareo
grafia moderna

Novella IX della Giornata I del Decamerone. Mareo

Iu (ves) dijará sën, che al tomp dal pröm Re de Cipro, che la Tera Santa é stada davagnada da Gotfred da Boglion, él sozedü che na nobla signura dala Gascogna é jüda a dlijia al Sant Sepolcher y tal dé ota da iló (éra) röada a Cipro, y é gnüda patociada dër bort da jont dal malan. De cösc s' an ára albü pormal zonza degüna consolaziun, y s' á ponsé de jí dal Re a se lamonté. Mo por gauja, che al i é sté dit da zacá, che söa fadia foss por nia, por gauja, che al ea de n natural tan da frat y da gnoch, che al no castiâ con iustizia les ofejes fates ad atri, mo s' an dörâ zonza fin de chëres fates ad ël enstës, en na moda, che vignönn co â val' mëia, se la parâ ia zonza s' al lascé conëscer o (zonza) vergogna. La signura te chël che ara á aldí cösta cossa, zonza speranza de se vendiché, almanco por se consolé de söa mëia, s' á ponsé de orëi mincioné la meseria dal Re, é röada dant ad ël con bradlamont, y á dit: Mio signur, iu ne vëgni dant a te por aspeté vendëta dal tort, co m' é sté fat (a me), mo por sodesfaziun de chël te prëii, che tö me ensëgni, coche tö sofrësces i torc, che iu aldi, che te vën fac a te, acioche col emparé da te, iu poi comporté con pazionza le mio (tort), che pagina:651 Idio le sá, sc' i le podess fá, t' al donassi a te, che t' es tan brau da le porté. Le Re, che fina chë ora é sté tan da marmota y frat, sciöche al se descedass dala som, á motü man dal tort fat a cösta signura, che al á paié fora dër rigorus, a deventé n dër rigorus paiadú de düc, co cuntra le onur de söa corona fajess valch da chël ennant.