[ 5 ]Of-man feilela normänik ämalädof pöligiko. Sanel, kel pivokom, äsagom das maläd äkanomöv dulön lonedo, ab togo äsepükom dledi, das no päpelomöv plo düns omik.
«Sanel», äsagom feilel, «eko böb, nonöföl franis tum; kanols sanön u funön of-mani obik, in zits bofik suäm at olönom olse».
Vom malädik ädeilof. Ven sanel ädesidom getön pos tim anik suämi pepömetöl, feilel äsagom:
[ 6 ]«Vilols-ös gepükön obe säkis tel, büfo pelob olsi: Li-efunols of-mani obik?»
«Va li-efunob ofi? Leno!»
«Li-esanols ofi?»
«Liedö! no».
«Benö, if ni efunols ni esanols ofi, labols giti nonik, segun balam obsik, al flagön moni; sikodo nedob pelön nosi olse».