LITERAT VOLAPÜKIK.
FLENS BISIEDELA DE PÜBLIG.
Bisiedel de Tats pebalöl labom egelo flenis mödikün, kels demanoms pladamis gudiko papelöl in dün de tat. Plä atos bisiedel getom penedis nenumik de pösods kel sagoms, das ämekoms ome dünis vemo veütik, ven no nog äbinom bisiedel. Gaseds melopik maniföfoms statiti drolik de peneds ko begs somik pegetöls fa bisiedel vönik, söl Arthur.
Mils se spodels bisiedela lesagoms, das elödoms kobo ko om; umo ka 300 famoms oki, das emekoms omi danüdön su kiens omsik, ven äbinom cil; pösods 430 egivoms ome konsälis gudik; 742 elugivoms moni ome; 13 lesagoms al esavön omi se flams; 932 enafoms ko om, e fino 7320 eplöfetoms, das obinom füdo bisiedel de Tats pebalöl.
Ivan Holin (Lusän).
NORMÄNEL LUVISEDIK.
Of-man feilela normänik ämalädof pöligiko. Sanel, kel pivokom, äsagom das maläd äkanomöv dulön lonedo, ab togo äsepükom dledi, das no päpelomöv plo düns omik.
«Sanel», äsagom feilel, «eko böb, nonöföl franis tum; kanols sanön u funön of-mani obik, in zits bofik suäm at olönom olse».
Vom malädik ädeilof. Ven sanel ädesidom getön pos tim anik suämi pepömetöl, feilel äsagom:
