Ncuei la gran festa cinquantejima ons
Ncuei la gran festa cinquantejima ons
Ncuei la gran festa cinquantejima ons
de nosc Monsenieür y Pluan
prejenti saluc y gratulations
da Pruca nfin te Plan.
Cialëde tanc che ncuei s'à abinà tlo ntëur
a nosc Monsenieür y Pluvan per i fé gran unëur,
n unëur che l s'à bën de rejon merità
do tan d'ani de cura y de tant che l à fat.
Ne fajon chësta festa sëul per crianza,
oder per autra bela usanza,
ma per chël che la vën de cuer tan de plu,
pries Monseniëur scuteme śën su.
Nasciù seis Monseniëur ora Nevel,
te nosta cura ne n iel chësc bel!
cun puëc y nia sciche n'à audì
ëis studià come puere fi.
Cun gran śelo sëis stat nosc caplan
po nosc curat y de Urtijëi l prim pluan,
per grat a Monseniëur l Papa v'à auzà,
Idie l sà, per chësta festa sëis degnà.
Tan che ëis fat n cura de nosc ben spirituel
y suvënz nce per tanc dl bën materiel,
tan de pueresc y descunsulei che ëis judà,
y de mantenì la pesc ëis for purvà.
La curtina y la dlieja ëis judà a ngrandì
acioche stajonse n vita y do mort plu saurì;
per la scoles y tan d'autra cosses truep ëis fat,
da trent'ani y plu, per nosc bën ëis laurà.
Cun passa 500 perdiches, dutrines y nseniamënc
ëis purvà che nes repurtons duc canc bën valënc
ma tan suvënz vosta amunizions puec à juà
y co v'arà chël tl cuer tant muià.
Ma Chël bel Die tenirà de dut cont,
y pais pa autramenter che chësch puere mond
do la fadies y l lëur de chisc puec dis
Ve donel pa chel bel gran paravis.
Ultimamenter nviei duc a me judé
ch' i se lasce audì de cuer tlo cun me
Viva nosc Monseniëur y Pluvan,
chè a purta 50 ani Chël bel Die su la man.
Viva Viva Viva
- Sepl da Stufan