Na parora a mi geniturs morc
Jump to navigation
Jump to search
- Na parora a mi geniturs morc.
Pere y oma, entrami m'ëise
sön cösc monn sën tralascé.
Endô adöm entrami sëise
por resté na eternité.
Trec dolurs sön cösta vita,
gran tristëzes ëise compatí;
crusc é stades osta lîta,
fosc palsëise entrami sën saurí.
Trec tramonc sön cösta tera
anse da patí y crusc
da doman dla vita cina da sëra
nos fredesc y sorus.
Ince nos sogü - magari
prësc - la mort nes cherdará
dal monn demez da nüsc afari;
ince a nos chël de gnará.
Spo adöm endô rounse
enló te n bel paisc;
düc adöm resté podunse
sö alalt sön paraisc.