N valguna regules dl tëmp

by Ujep Antone Vian

N valguna regules dl tëmp  (1864)  by Ujep Antone Vian

grafia moderna

N valguna regules dl tëmp.

(De sen. Ujöp Antone Vian, curat a Urtijëi, mort 1880)

Sce Saslonch à l ciapel decà,
Na plueia ne mancerà
Sce Saslonch à l ciapel delà,
Chël dì bon tëmp sarà.

Sce chël sas te ciulé
Scumëncia a sué,
La plueia unirà prëst,
Cherdëme chëst.

Fin che la rondules jola bas,
Ne sarà mei sut chël sas.
Fin che la rondules ne pea via,
Da rie tëmps ne temëde nia.
Sce la sieles ie a liet tl flurì
Arëise stram, ma no graniei nsci.