[ 22 ]Klub bukubik (literatik) koazänik in Zagreb Matiza hervatska ekonletom jü nu popakanitis koazäno-serbänik so mödik, das äkanomöv pübön bukis luls (50) alik de flans mältum fols (640) (fomät jöldilik).
Klub aet penunom, das in Orajaz in Bosnän sibinom man, kel nolom kanitis no nog pesevik. Ats binoms kanits, kelis Slamels koazäno-serbänik kanitoms te komü Slamels. Slamel aet de Orajaz panemon Mehmed Kolak Kolakovitj, labom yelis lulselul (55), e kanitom ya du yels kils (30). Binom feilel, kel id bevobom feilis oka; nolom ni liladön ni penön. Elenadom kanitön e kanitis de [ 23 ]kanitels tel mäkabik: de nök oka, kel ebinom feilel ä lubegel, e de Betjir Yúsitj i feilel.
Yúsitj enolom kanitis kiltum (300) a liäns za lultum (500); kludo tum e luls mil (150.000) nendas enolom liladön e penön. Yúsitj evisitom ofen lesölis tükänik nifatimo, ed ekanitom domü lesöl te bal in vigs lul (5) kanitis tum e lul (105).
— Domü lesöls slamik kaniton du neit lölik e dlinon kafi.
Kanits, kelis Slamels serbo-koazänik kanitoms, nevelo nofoms reläti Kritas; ä Krits binoms nis mans jamepik do pebevikodöl.
Lekan poedik pesetönom pato in bepenams tela komipas bevü glejameps.
Esuädon vemo töbiko Mehmedi Kolak Kolakovitj, das kömomöd in Koazäni, bi Slamels no kanitoms viliko komü Krits. Deno ekömom in nifatim at ini Zagreb ed eblibom is du mul bal. In tim aet edikom kanitis mäls e lul (liänis fols e vel mil (47.000) jamepik te.
Kanits de Kolak binoms jenavik, e bepenoms komipis bevü Krits e Slamels in Likän, Kerbavän e Tükän koazänik. Kanits at laboms luüno yelis teltum (200).
Kolak bevobom du hitatim feilis, e du nifatim visitom lesölis e kanitom omes al melidön moni. Binom nebo pösod konfidik plo dins bevüik lesölas.
Klub bukubik koazänik Matiza hervatska opübom se konlet gletik oka bukis bals (10) a flans mältum fels (640).