— 22 —
omi; if esupenom omi, no tuvon pübeli plös; if etuvon pübeli vilom en pelön nosi; if vobad pebükom, nek lemom omi, if ek lemom omi no kanom pledön omi, ed if kanom pledön omi, vobad no sägo plidom ome!„
SEKUSAD MONÄLANAS.
Söls tel liegik ab vemo monälik kolkömoms okis su galif geilikün teata. Äplidos nonike bofikas patuvön su plad nedelidikün.
— Liko kömol is? säkom balid.
— Al sagön velati, gepükom telid, binob levemo snöfipik, e bi hit xänom, evälob pladi at kiöp binos vamik. Liedob i mödo sukü reum. Ab kikod binol is?
— Dem lopaglät obik.
— Li-dem lopaglät olik?
— Si, gletom tu mödo. Se lojöp no kanob logön gudiko me om su städ. Sikod esumob pladi su galif isik, kiöp kanom duinön obe dünis gudikum.
Marie J. Verbrugh.
MEM PLÄKÖSOMIK.
Klub bukubik (literatik) koazänik in Zagreb Matiza hervatska ekonletom jü nu popakanitis koazäno-serbänik so mödik, das äkanomöv pübön bukis luls (50) alik de flans mältum fols (640) (fomät jöldilik).
Klub aet penunom, das in Orajaz in Bosnän sibinom man, kel nolom kanitis no nog pesevik. Ats binoms kanits, kelis Slamels koazäno-serbänik kanitoms te komü Slamels. Slamel aet de Orajaz panemon Mehmed Kolak Kolakovitj, labom yelis lulselul (55), e kanitom ya du yels kils (30). Binom feilel, kel id bevobom feilis oka; nolom ni liladön ni penön. Elenadom kanitön e kanitis de
