Mej el scovin
Jump to navigation
Jump to search
| ←Denanz a ona cuna | Mej el scovin (1894) by Impression |
El vuj el sò basin! Dovess cercall→ |
Al dottr Cav. A. Beretta
«Anca el scovin?» − Sigur, anca el scovin
Sont bonna de drovà; ghe fa stupor?
Se ved ch'el me cognoss un poo pochin,
El me fa tort, stavolta, sur dottor,
Scovi de gross, s'el vœur, scovi de fin:
In certi facc ghe rivi a famm onor,
Mej de sicur de quand al tavolin
Spegasci tanta carta de fa orror.
Cont on bon manegh drizz, robust, slanzaa,
Cont ona scova nœuva e moresina
Ghe lassi indree, de cert, nanca on peccaa.
E invece colla penna.... chi indovina
Quanti mai su la carta n'hoo lassaa?
E con che gust? O povera Rosina!