El vuj el sò basin! Dovess cercall
Jump to navigation
Jump to search
| ←Mej el scovin | El vuj el sò basin! Dovess cercall (1894) by Passion |
Sì, te set bell, e tanto me rincress→ |
El vuj el sò basin! Dovess cercall
Ai sò genœucc, coi man in orezion;
Dovess rinnegà tutt per conquistall,
La mia fed, la coscienza, i mè illusion....
Dovess con la mia vita anca pagà
Quel moment de piasè.... me l'ha de fà!
El vuj el so basin! Dovess morì
Coi laver cald anmò del so calor;
L'ha bel pari a sta dur, l'ha de fenì
A tramm i brasc al coll, el me amor.
A la mia fiamma, sì, l'ha de scaldass,
A emn che propi nol sia tutt de sass.