lipu kule/pan sike suwi
| ←ijo lon pi lon ala | lipu kule (2021) pan sike suwi by jan Nijo |
tomo kasi nanpa tu→ |
nasin pali pi pan sike suwi
ijo:
- ko pan
- ko suwi
- ko jelo tan telo soweli, anu ko walo tan kasi
- ko pi kama suli
- ko namako
- selo kili (lon wile sina)
ko pan:
ko suwi:
ko jelo:
ko pi kama suli:
(ko pi kama suli li seli lon telo)
ko namako:
selo kili:
o namako e ko pan kepeken ko pi kama suli, kepeken ko namako
o pakala e ko jelo lon poki
o pali e ko jelo kepeken ilo palisa
o pana e ko suwi
o pali
o pana e ko pan
o pali
sina wile e namako anu seme?
sina wile la, o namako kepeken selo kili
o pali pona
ko li telo mute la o pana e ko pan
ko li kiwen mute la o pana e telo lete
o open e poki seli
o pali e sike lili mute kepeken ko
o pana e ko lon supa kiwen (kiwen pi ken lon seli)
o pana e supa tawa poki seli
o awen
ona li pana e kon suwi la, o lukin e moku sike
o awen lon tenpo lili
o weka e supa tan poki seli (supa li seli mute a!)
o lete e supa lon tenpo lili
o jo e pan sike kepeken ilo palisa
o moku
o pilin pona
pan suwi li pona mute!
|
This work is licensed under the Creative Commons Attribution-ShareAlike 4.0 International (CC BY-SA 4.0) license.
|