Libro de Mormon - 2 Nephi - Capitulo 11
Jacob videva su Redemptor - le lege de Moses symbolisa Christo e demonstra que ille venira. Circa 559 - 545 a.C.
2 Nephi 11:1 e nunc Jacob diceva multe altere cosas a mi populo in celle occasion; nonobstante sol iste cosas ha essite scribite, perque le cosas que io ha scribite me basta.
2 Nephi 11:2 e nunc io, Nephi, scribe altere parolas de Isaia, perque mi anima se delecta in su parolas. Perque io applicara su parolas a mi populo, e le transmittera a tote mi filios; perque ille videva in veritate mi Redemptor, mesme como io le ha vidite.
2 Nephi 11:3 E anque mi fratre Jacob le ha vidite como le ha vidite io; ergo io transmittera su parolas a mi filios pro demonstrar a illes que mi parolas es ver. Ergo, per medio del parolas de tres personas, dice Deo, io stabilira mi parola. Nonobstante Deo manda plus testes e demonstra tote su parolas.
2 Nephi 11:4 mi anima se delecta in demonstrar a mi populo le veritate del venita de Christo; perque esseva a tal scopo que le lege de Moses esseva date; e tote le cosas que esseva date per Deo al homine, desde le principio del mundo, es un symbolo de ille.
2 Nephi 11:5 E mi anima se delecta tamben in le alliantias que le Senior ha facite con nostre patres; si, mi anima se delecta in su gratia, in su justitia, poter e misericordia in le grande e eternal plano de liberation del morte.
2 Nephi 11:6 E mi anima se delecta in demonstrar a mi populo que si Christo non veniva, tote le homines deberea perir.
2 Nephi 11:7 perque si non existeva Christo, non existerea Deo; e si non existeva Deo, nos non existerea, perque non existerea necun creation. Ma il ha un Deo, e ille es Christo, e ille venira in le plenitude de su ipse tempore.
2 Nephi 11:8 e nunc io scribe alcun del parolas de Isaia, a fin que quicunque de mi populo legera iste parolas potera altiar su corde e gauder per tote le homines. Nunc iste es le parolas, e vos pote applicar los a vos mesme e a tote le homines.
Capitulos:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33
Libros:
Intro 1Nephi 2Nephi Jacob Enos Jarom Omni Parolas Mosiah Alma Helaman 3Nephi 4Nephi Mormon Ether Moroni