Libre de Memorias/1371

From Wikisource
Jump to navigation Jump to search
← 1370 1371
Libre de Memorias
1372 →


L'an MCCCLXXI foron Cossols,

  • Senhor Johan Theron, per Taulas.
  • Senhor Jacme Emengau, per Mercadies.
  • Senhor Johan Cabrel, per Mazelinies.
  • Senhor Peyre Thomas, per Sabaties.
  • Senhor Johan Garnit, per Aludies.
  • Maystre Alias Gely, per Peyralies.
  • Senhor Peyre Messier, per Lahor.

Foron Clavaris.

  • Peyre Genieys, per Mercadies.
  • Huc del Bosc, per Sabaties.
  • Duran Canie, per Monies.
  • Ramon Savola, per Aludies.

Aquel an feron de talha, per denier un flori.

Pus aquel an meteis, per denier un franc.

Aquel an meteis comessero de far un moli de sanc, al verdie de la Mayo communa, mais non valc res.

Foron lavayres de Bans.

  • Guilhem Cotelier, per Taulas.
  • Ramon Gaudel, per Mazel.
  • Ramon Roqua, per Lahor.

Foron Caritadies.

  • Ramon Cabot, per Taulas.
  • Peyre de Badonas, per Mercadies.
  • Brenguie Audran, per Mazel.
  • Johan Barrieyra, per Sabaties.

Foron Carrayries.

  • Ramon Cotelie, per Taulas.
  • Esteve Desmas, per Mercadies.
  • Pons Vilar, per Peyralies.
  • Peyre del Truelh, per Aludies.

En lan sobre ditz, venc a Bezes, madama Johana, filha del bon Rey Philip de Fransa, e devie esser molher del duc de Girona, premier nat del Rey d'Arrago, dont fo grandamen malauta, de laqual malautia ela vay mori, e fouc sebelida al pe de lautar mage de mossenhor Sant Nazari de Bezes, et apres, a cap de un remps, mossenhor lo duc d'Ango no fes portar la hossa en Fransa.

En apres, lo duc de Girona saubut que hac las novelas que la sus dicha madama Johana era venguda a Bezes, e que ela era malauta, venc a Bezes, en manieyra quel no fos conogut; mays hen se saup tantost; dont fouc mandat als senhors Cossols que per muralha e per viela et tot en torn l'ostal on era la dicha madama Johana, agues gran multitut de gens ben armadas, et tot en torn on lo duc tornava: e fouc fach: totas devez, lo dig duc yssyc a las fenestras, et ac mot gran meravilhas, quan vic aquelas gens armadas.

Lan dessus MCCCLXXI a IIII de decembre, mossen Sicart d'Ambres evesque de Bezes pres sa pocession; e intret per lo portal de las sors Menos, e juret los privileges de la viela: pres ne carta maystre Johan de Fontaynas, et maystre Peyre Comte, notaris reials.

Item en aquel an se mes lo soquet, en lo quarto de vi, que montava la octava part del quarto.

Item en aquel an meteis comprezo los ditz senhors Cossols lostal que solia esser den P. Saseno, que es al segares: costet L. floris.

Item comprezo los sobreditz senhors, aquel an, de maystre Johan de Camplong un autre ostal a qui meteis: costet XXIIII franx.

Item comprezo un autre ostal a qui meteis, den Jacme Regi Ortola per pretz de XX franx.

Et a saber que totz aquests ostals foron comprats per far escoriadors en que escorgesse los mazelies.

Aquel an dessus dig paguet hom a mossenhor lo duc d'Ango un subsidi de dos franx per fuoc.