Libre de Memorias/1370
| ← 1369 | 1370 Libre de Memorias |
1371 → |
L'an MCCCLXX foron Cossols,
- Senhor Peyre Vilar Cambiador, per Taulas.
- Senhor Peyre Boquie, per Mercadies.
- Senhor P. Vidal, per Parayres.
- Maystre Ramon de Fuelhval, per Notaris.
- Senhor P. Gavasto, per Coyraties.
- Senhor Peyre Catala, per Pelicies, e mori estan Cossol.
- Senhor Johan Augie, per Fusties.
Foron Clavaris.
- Ramon Bringuie, per Taulas.
- Peyre Barot, per Parayres.
- Peyre Porquie, per Fusties.
Feron de talha aquel an, per denier un franc.
Foron levayres de Bans.
- Senhor Jacme Emengau, per Mercadies.
- Maystre Ramon Catala per Notaris.
- Senhor Guilhem Aymoy, per Pelicies.
- Senhor Bernat Fromit, per Coyraties.
Foron Carrayries.
- Senhor Bernat de Golbias, per Taulas.
- Senhor Ramon Viguie, per Mercadies.
- Senhor Symon Delmas, per Parayres.
- Senhor Bernat Sedada, per Coyraties.
- Senhor Bernat Porquie, per Fusties.
Foron Caritadies.
- Peyre Gemeys, per Mercadies.
- Paul Glieyas, per Taulas.
- Maystre Bernat Agel, per Notaris.
- Senhor Peyre Esteve, per Pelicies.
En aquel an compreron, los ditz senhors Cossols, la part de pertoquan ad Ymbert, de Montadi; soes a saber, totz los vigayrals, exceptat las copas et las lengas del Mazel.
Pres ne carta maystre Bernat Sebeli, notari rial de Bezes.
L'an dessus MCCCLXX, vendet Guilhem Peyre filh, que fo den sicart de Pauly als sindix de Lespinha lo bandeyratge els erbatges del termenal de Bayscha per tot temps per pretz de CCLX franx. Els senhors Cossols dessus dich non saben aquesta venda, van tantost provesi d'onar a mossenhor d'Ango, que era loctenen de Rey, e van aver lettras mandans al viguier del Rey, que si los sobre ditz sindix de Lespinha venguesso o non venguesso foris capia, que zel preses tota la dicha compra a la man del Rey, e tantost que lagues presa, que la feres foris capia als senhors Cossols de Bezes. Totas ves los sobreditz sindix de Lespinha sauperon que los ditz senhors Cossols ho volian, van ho tantost remettre als ditz Cossols, et els ditz Cossols van la foris capia de maystre Ramon Pascal, clavari de Bezes per lo Rey nostre senhor: e costet lo foris capi XLIII franx VI sols VIII deniers; pres ne carta maystre Peyre Salvayre, notari rial, lan MCCCLXX a XII del mes de mars.
Item aquel an meteis, las donas morgas de Bezes coma heretieyras del senhor Frances Boffat, sa entras de Bezes, venderon als senhors Cossols de Bezes totz los usatges que prenie lo dig senhor Frances Boffat, per pres de mil franz. E pres ne carta maystre Esteve Primet et maystre Bernat Sebeli, notaris rials.
Item aquel an dessus dig, fou facha la gran cayscha en laqual estan totas las letras e privileges, que son de la mayo comuna de Bezes: e costet XX floris daur.
Lan dessus MCCCLXX, compreron los sobre ditz senhors Cossols de Bezes, las tres partz de bayssa, den Guilhem Peyre de Pauly, per pretz de CCCCLX frax: pres ne carta maystre Guiraut Got, notari rial.
Pus fouc foris capiat de maystre Ramon Pascal clavari de Bezes per lo Rey nostre senhor. Pres ne carta lo dig maystre Guiraut Got, a I. d'abriel.