Le prume abitazion de Ciampedel
Le prume abitazion de Ciampedel
Le prume abitazion de Ciampedel le era fora per Col e sun Fontanela e dapò i vegnìa ite a se far fora n pìcol ciamp, perché nlouta olache l'é Ciampedel, l'era na selva de bosch e cióscede. La pruma ciasa che l'é stat fabricà vin Piaz l'era chela de Videmon e per sta ciasa i à taà l legnam sun Piaz e dò i à fat sa Marin la ciasa Morin, e vin Col da Faé la ciasa de la Pila. E dapò n'é stat frabicà semper de più e de più ciase.
Dapò i conta ence, che l'era n ciastel a Doleda e che te chest abitaa na bela contessa, chesta l'aea n ciaval bianch e la jìa le feste a ciaval a messa. Canche la é se n jita l'à dit che te Fascia e spezialmenter de Ciapao l'é na gran miniera de òr. A Soraga, olache l'era la pruma e unica gejia de la val de Fascia, no i fidaa scomenzar la messa fin che i no la vedea vegnir. I mures e i sasc piu bie de chist ciastel i disc che i à durà a far sù l ciampanil de Dèba.