Le bal
Jump to navigation
Jump to search
- Le bal.
Aló, aldide, la musiga sona!
Jide! Tolesse la lîta düc canc!
Aló, tolesse atira na jona!
Ciodí pa stëise sontés sön chi banc?
Jones, morjel sën la punta alzede!
No se lascede bën dio perié!
Frësch söle tach n bel volzer balede,
zonza a chël co se mëna i ciaré!
Mo recordesse da mëter bel verda!
Amor, chël picio maligno, sʼ ascogn
danter os ete y fej pa na berta.
Dlunch al se vëiga os jones y jogn.
Canchʼ an se ponsa le manco dagnora,
tirel y tënel dër trat so barest.
Tif spo tal cör la saita se fora,
y se rovina dla vita le rest.