Le Vivane e la lavadora

From Wikisource
Jump to navigation Jump to search
Le Vivane e la lavadora  (1912)  by Hugo de Rossi
ladin Brach
grafia moderna

Le Vivane e la lavadora

Le vivane l'era jent zevilisada. Le era vestide a la usanza, le era corpude, e bele fora de dute cante le vie e le stajea n aria polit. Le stajea su per Coude sa Vael. Per majon le aea n cougol sot tera ite. Le fajea lesciva, che nesciugn no l'era bon de lavar scì net. A siar le tiraa corde da n crep a l'auter. Te Col Checen (Pociole) le tiraa le corde da Col Checen a Col Crepons. Ste fasciane le se n'aea na invidia a veder lesciva coscì neta. Na fémena la é jita duta scatornada a domanar, coche l'aessa da far per lavar coscì net. La vivana la disc: "Mpruma cogne te nsegnar valch auter. Recordete, ben lavar, ben petenar, bele trece fasc far!" Gei dò an e dì, dapò te nsegnaré de più.