La zintlin
Jump to navigation
Jump to search
La zintlin.
La zintlin ! Audiëis' a sunan
La ciampana, bel plan: bin ban ?
Tan plan che la sona, tan plan,
La ciampana, l' audiëis' a sunan ?
La pitla, ciuldì che n sona,
Y no la granda bel plan,
Damanda l pitl al' oma,
Spaurì, belau bradlan.
I uedli n gota, l' oma
Respuent a si pitl fi:
"Percie, - percie ch' i sona ?
Ne posse, - ne posse te l dì."
L pere, per ël sunova
La pitla ciampana, tan plan,
Per ël chest' oma bradlova
A messëi l' audì sunan.
La zintlin! Audiëis' a sunan
La ciampana, bel plan: bin ban ?
Tan plan che la sona, tan plan,
La ciampana, l' audiëis' a sunan ?