La rie fëna

From Wikisource
Jump to navigation Jump to search
La rie fëna  (1913)  by Franz Moroder
ladin Gherdeina
grafia moderna

La rie fëna.

O tu puere, puere mat,
Tu totl, cie es tu mei fat,
A maridé na tel rie pesta,
Che te ciavatea drët la cresta.

Dan maridé i fova dut bel y drët,
Ma la ova ite ’l maladët:
’Ntan che la se stilova drët valënta,
Sul cë te fajovela suvënz la pulënta.

Dì mé velch śën! po ies n musciat,
N totl, n ciavon o gor n mat;
Ëila à daniëura sëula rejon,
Tu ies mé for n puere macaron.

Sciche na vera tanaia Mariëursa,
Ëila sëula tën y mëina la bëursa,
Y sce tu ues datrai n dasset,
Te respuenderala snel: slech, slech!