La curtina
La curtina
I
N grum de crëujes vëighen dlonch,
De pitles, de grandes y nce de mesanes,
De sas, de fier y mo plu de lën,
Dutes metudes per recort dla puer' anes.
II
Te n piz n vëighen na pitla, stleta,
L fej mprescion y mel al cuer,
Tan burta semëiela y tralasceda:
Chëla crëusc ie segur metuda a n puere.
III
N' autra tla prima lerch y lingia,
De sas, superbia, — semëia n pavon;
Se lascia miré da duta la jënt:
Chësta crëusc ie segur de n gran ricon.
IV
Nce ie son pitl y mel udù,
Me me metaran dala pitla pert,
Y a chël gran ricon tlossù
Metaran n sas tla prima lerch.
V
Ma ne te fé mé nia dainora,
Sce te ies puere, medrë no bradlé,
On duc na fossa scura y strënta,
L jova puech a se lamenté.
VI
Sce t' ësses mpede na crëusc sun fossa
Dut l ann ados n gran dlacion,
Per chël te fej mpo l surëdl,
La luna y la stëiles la luminazion.