La benedescion de mi pere

From Wikisource
Jump to navigation Jump to search
La benedescion de mi pere  (1913)  by Franz Moroder
ladin Gherdeina
grafia moderna

La benedescion de mi pere.


Jenudlà pra liet del pere stajovi bradlan,
Y ël zitran sul cë m’ al metù la man:
"Che chël bel Die te benedësce, o mi fi, mi fi!"
Chësta paroles, dut da dëibl, ma tan de cuer m’ al dì.

Po iel mort, y no grosc no roba n’ al lascià;
Ma cialëde, purempò si erp ie son stà;
Percie na gran fertuna, la miëur arpejon
Ie stata per me si santa benedescion.

Y pra duta mi fadies y mi lëur
Per me vadanië l viver cun unëur
Me cunforta mò for n tel pensier: de sentì
Sun mi cë la man del pere che m’ à benedì.

Do nlëuta tan de tëmp che l ie bele passà,
Y tei pitli “Pere, pere” suvënz m’ à cherdà;
Ma for canche me lecorde de n chël di,
Me sënti nce ie de n bon pere l pitl fi.