L cian ke spudova fuek
L cian ke spudova fuek.
Steifl dla bruscha fova shit na seira ora Sakun a mutans. Kanke l shiva da Uletta ora sunovi ora l preve. El veiga mo, ko ke la lun pea ora per Triek.
Kanke Steifl shiva ora per troi de Plashes, fova la lun bel ora Pitlbolser. El se pensa nkuei va senieur Kaplan de bota; ula shirai ma mei ku na tel prescha. Sen peji la streda da Sakun su, npe de shi do l stradon ora. Ula shirai ma mei tan da senn.
Kanke Steifl fova ora Sakun da ushin da ciesa, ula ke l fova per shi a mutans, univa la lun so ciesa su.
Per ne se lasche udëi i ne messei se de da kunescher, se spazza Steifl ben da senn a ruvé da porta ite.
Ma la lun fova bel dan el sun porta. Kanke l ruva da ushin, veigel ben ke l ne fova na lun ‒ I fova n gran cian fosk ke spudova fuek. Ksch cian i peta a Steifl kuna ciota shu per l spinel i se n mucia.
Da la sperduda i da la peura fova Steifl mo giut do sta nia nton.