L Orghen da La Plié
L Orghen da La Plié
En domán tidom tidom!
Chël orghen coche l soneron
Te gliejia da La Plié!
Maladëta!
Degugn plu ne la pëta!
Ci n dijeiso cie?
Perauter l pleván
E de Menëcol Ján;
Cánche se ciánta e craia
Se i sent segur nfin
Via n fonz de Davedin,
Via n cima de Fedaia!
Se Piere de Valiere
Gioura (siera) te gliejia l viere
Chël orghen ci n rumour!
Percì l à cane grane
E lerge de doi spane
Come l ro de chegadou!
Ades sci l é l paradisc
Chilò tel nost paisc,
Te gliejia da La Plié!
Maladëta
Degugn plu ne la pëta!
Ci n dijeiso cie!?