L Cougol del Mat de Adam

From Wikisource
Jump to navigation Jump to search
L Cougol del Mat de Adam  (1912)  by Hugo de Rossi
ladin Brach
grafia moderna

L Cougol del Mat de Adam


Vin le Pociace da Vich l'é n cougol, te n crep, nesciuna persona e nesciuna bestia se fidaa apede e i ge disc l Cougol del Mat de Adam. Chist om l fajea l paster (cavidoler) da le feide e l'era n om che duc aea raza paura, parché l'era n strion e l'aea l liber de comando. Na uta fra le autre l se sentìa famà e l'à manà l bez (l disé), che ge didaa jir past, a far fech e endrezar a far zeche da magnar. La ciasa da fech la era te chist cougol. Chist bez va e no l troa più ne farina, ne smauz, e l vegn a ge l dir a Adam, che zachei ge à robà dut. E Adam ge disc:

"Va pura pìciol a far n bel fech e meti sora aga, che ntant, chel che ne à robà la farina l vegn po ben."

Adam tol fora l liber de comando e l ge à augurà mal del peron a chel che ge à tout la farina e l smauz. Cò l'à abù fenì de lejer, vegnìa n canalin co la farina te n sach su la spala e l smauz te gramial, e l cridaa desche n desperà:

"O, che mal, o che mal! ve pree pardon", e l'à molà jù la farina e l smauz apede l cougol. N chel moment l'é varì dal mal. Chist bez ge l'à contà a la jent, ma la jent stentaa a l creser e Adam se n podea a mal. N dì, per ge far veder che che l sà, l'é jit sun Sas de Rocia e l'é montà su na gràmola e l'é sgolà vin Vael.