L'om dal bosch (Salvan)

by Hugo de Rossi

L'om dal bosch (Salvan)  (1912)  by Hugo de Rossi ladin Brach

grafia moderna

L'om dal bosch (Salvan)

D'uton vegnìa ogni an l Salvan jun Tamion e l ruaa te chela ciasa de Coz. L'era neiger tal mus, barba nscin ja jeneie, ciamejela de scorze de larsc, ciauze filade de straciapecel, brae de barba de pecel, ciapel de erbe di pulesc, botogn piòtole de pin, broudoi per fior, ousc grossa en pe nut. L ruaa te sta ciasa ntant che i cenaa. L restaa sun sava dal'usc e l dijea:

"Bon pro! Aede abù n bon an?"
- "No l'é mal."
- "Aede abù erbolam?"
- "Scì!"
- "Mben, magnà debel!"
L vegnìa ogni an e canche i dijea de no, l dijea:
"Mben, magnà pian pian."