L' amicizia
Jump to navigation
Jump to search
L' amicizia.
Síeste atento da fá n' amicizia,
sii con ëres o sii con ëi!
Ponsa denant, i t' al diji, na frizia!
Zonza gnaraste bën prësc alessëi,
coche les beles parores te liëia
tö con gherlandes de reses y flus.
Danter les reses y danter fëia
crëscel spinac co t' arjigna les crusc.
Zonza festidi tla barca dla vita
este dai brac dl' amicizia abracé.
Mile ligrëzes la vita te pîta
canche te mines da ester amé.
Plü y plü enfora la barca söl' ega
dlun' te nainenn spo te portera ennant.
I edli engianés dl' amicizia ne vëiga,
coche le ci se rescüra dertant.
Y te na ota lomina tranüdi
danter les niores portades dal ont,
l' ultima ota te mëna salüdi
chi co te lascia sën su y soront.