L'Aimaria de le femene

From Wikisource
Jump to navigation Jump to search
Olach' la Marmolata. Ćiantia di Ladins  (1909)  by Domenico Sommariva
ladin Cazet
grafia moderna

L'Aimaria de le femene


Demò valenc fiöi, ji int te cambra entant che mete jù oio te lumin, e tu Richeta, scóita, varda de star valenta, jenölgete jù via per tera e prea la Madona. Meteve aló tachè apede el leroio. Vardà de no fer bordel, ne far da spazaröi, me racomane po, che se fajede polito sta sera ve mene a veder la giostra via dal ricreatorio.

En nome del Padre ... dai di sù ... e del Figliolo ... ecolo che l scomenza! varda che te le mole! E segnete co la dreta e no co la cència. Àsen! Chi élo po stat a te nsegnar? élo stat l'àmeda Maria? e dello Spirito Santo ... démo, démo ... e così sia. E tu no disto sù, e? varda che te pare via ve. Pórteme ca chel mànech de scoa che le aló. Iddio ti salvi o Maria, piena di grazie il signor ...

Ecola, el prim che parla el ciapa en sćiafon e se no lascià de dir sù orazion.

È teco, e tu sei benedeta fra le donne ... no jova ne le bone ne le cative, ma vegnirà ben vosc pare mostri de moneli, chel ve contenta con doi o trei sćiafogn, e benedetto il frutto del tuo ventre, Gesù ... làscelo star chel cader! Láscelo tacà sù! Ma che créseto propio de me far deventar mata? L'é propio na vergogna marcia davant da la Dolorata.

Santa Maria, madre di Dio, prega per noi ... scì, scì, cogne desméterlo e dut per chi doi. Ma ades son propio stufa, ègra e stomegada. Peccatori adesso e nell'ora della morte nostra. E così sia.

Mare jone a la giostra? Giö è ben trei scioldi sparagnè tel salvadanaio per montar sul ciaval co la Rosa. Ah! burt canaia, tu monte sul ciaval? dami a mi chi scioldi che no l'é più carnaval, che festide, che gran pazienza che se cògn soportar. Ah! fosse mile oite miec esser da maridar.