Jan de Pitorel
Jan de Pitorel
Jan de Pitorel l fajea l paster da le feide. L'aea n pìcol cian. Na uta l ge é vegnù rabious e l ge à spaventà ste feide ju per le pere bience. Se sà che Pitorel à cognù corer stroz proprio dalvers, a cerir le feide. Dò che l'era jit n pech n stroz e l'aea jà ciapà 3 o 4 feide, ge saea che le soe dàrmole vegne da moment più grieve e pesoche. N'ùltima ge saea tant n gran peis che no l'era piu bon de jir e l se le à cognude tor te man a vegnir a ciasa, perché le era doventade de òr. Tel paìsc l'à contà, che ades l'à troà la miniera da l'òr e che prest l sarà rich. L Mat de Adam, che no l'era in bone con Pitorel, l'é vegnù a saer. Col liber de comando l l'à strologà e canche l'à volù jir a se tor l'òr, no l vedea che chégole de feide.