In alt
Pover mort, che tasend parlee inscì fort,
Quand l'ora che gh'ha pù nè lus nè son
La porta i sogn al lett, o pover mort,
Mi ve preghi de bon,
Non stee a ciamamm inscì de spess indree
Su la strada già ai spall, sora i mè pass,
Vers el sô già sconduu, ghe n'ho assee
Fina mai de sta 'l bass!
Ciamémm inanz puttost in su la strada
Sberlusenta de stell, sora de mì;
In alt, in alt, almanch indormentada
O mort, ciamémm là inscì!
(*) Traduzzion de l'ingles.