Immen/De Emmerstiddesche Blaume

Immen

[001]Bi Emmerstidd' in sumpe
      Da steiht ne blaume fin;
Dat sall de finste blaume
      In ganssen lanne sin;

Kleet sei sik ok nich bunte --
      Ör kleed is grisselgrau --
Glu -- glu is doch ör oge,
      Te kiken recht jenau.

Wutau ok dei monturen?
      Rok einder tulpen all?
Et sleiht in grauen rokke
      Sau hübsch de nachtigall;

[002]Ok blaumen hett en harte;
      De duft -- dat is ör wort;
Verplantet, wenn se blaumet,
      Wu wenn'je blaumet fort!

Son bläumeken an tune --
      Wu denkt et nich sau tru!
De rause hat en doren
      Un stikket slu -- gar slu;

De Emmerstidd'sche blaume --
      De blaumet still un sacht,
Of winterdag, of sömmer,
      Bi dag' un ok bi nacht,

Dei hat ok ören doren
      Sau fineken -- sau fin;
Dat sall de finste doren
      In ganssen lanne sin.