Immen/Danklied

[005]Wer dankt noch mit parrukken,
      Wer dankt noch mit en frakk? --
De hant er minschheit drükken --
      Hett dat nich ok jesmakk? --

Hier streben un hier strien
      Mit froher tauversicht,
Hier stahn un hier ok fallen --
      Hier sitt et dankjericht!

Nich wahr, datt hett en glükke:
      Et glükk von andern bun
Un keinen minschen fürchten,
      Op Gott un sik vertrun? --

Du bist doch ganss verrükket!
      Du bist doch reine dull!
Holt, früntjen, dine snute!
      Du nimmst se gar te vull!

[006]Ik mag nich wedder schimpen;
      nich wost un wedder wost
Sieht einder einen dosten,
      Sau stille sinen dost!

Hier dräpe we tesamme,
      Mit -- un ok ohne frakk,
In harten mann'je thräne --
      Dat hett doch ok jesmakk?

Hier dräpe wi tesamme,
      Gaht wi ok süss jetrennt;
Hier is't, wo wi ar frünne
      Üsch alle wedderkennt!

Hier dräpe wi tesamme,
      Krumm, lahm, jesunt un krank;
Hier drükkt wi üsch de hänne --
      Nich wahr: dat hett doch dank? --