Il chaunt d'la zappa
[ 9 ]
[ 10 ]
Il chaunt d'la zappa.
Zappa, zapp' agricultur;
Zapp' il champ per bain!
Cun fadia, cun süjur,
Vo prodür sieu sain.
Zappa, zappa con ared,
Per ch'in sain da quel,
Penetrescha il bun fled,
Florizant e bel.
Zappa, zappa! D'ün respir
Tuorn a palpiter
La natüra, pera dir:
Hoz am vo sdasder!
Da ta zappa suot il tagl,
Crouda, mour' il verm;
Tres la glüsch del pür solagl
Plaunta dvaint' il dscherm.
Zapp' il verm da te smacho
Ho confrers, ch'ün di,
Past avron dasper tieu cho,
Nel sunter' cuvi!
Zappa pür! Ün vo chaver
Bod o tard per te,
Stretta fossa nel sunter'
Staunz' a tieu vasché!
Zappa, zappa, zappa spert!
Hegiast in imaint:
Cha la vit' ais dun intschert;
Cuort ais il preschaint!
5 Settember 1867.