Hærramek ja bæsstamek Jesus Kristus ođđa Testament/St. Paulus girje Philemoni

From Wikisource
Jump to navigation Jump to search
Hærramek ja bæsstamek Jesus Kristus ođđa Testament  (1850) 
St. Paulus girje Philemoni
[ 676 ]

St. Paulus girje Philemoni.

Paulus, Kristus Jesus čadnujuvvum olmuš, ja vellja Timotheus, Philemoni, min æcalaš ja min barggoguoibmamek,

2 ja Appiai, dam æcalaš nissoni, ja Arkippussi, min soatteguoibmamek, ja du dalo særvvegoddai:

3 Arbmo digjidi, ja raffhe Ibmelest ačestæmek, ja hærrast Jesusest Kristusest!

4 Ibmelam mon gitam, du alelessi muitost anadedin muo rokkusi sist;

5 — go dam rakisvuođa ja dam osko gulam, mi dust hærrai Jesussi læ ja buok basse olbmuidi; —

6 atte du særvolašvuotta oskost, buok dam buore dovddujume boft, mi dist læ, bargolaǯǯan dakkujuvuši Kristus Jesus audust.

7 Dastgo stuorra illo ja jeđđitussa mist læ du rakisvuođast, go basse oskolaǯai vaimok diervasmattujuvvum læk du boft, veljačam!

8 Damditt, josjoge stuorra oskaldasvuođain Kristus sist mon matašim du goččot, mi dakkujuvvut færtte,

9 buorebun almaken mon anam rakisvuođast rokkadallat; mon, gutte daggar olmuš læm, mon, dat boares Paulus, dal maida Jesus Kristus čadnujuvvum olmuš.

10 dust rokkadallam bardnam dafhost, gæn sakkanattam læm lakkidam sist, Onesimus,

11 gutte auddal dunji avkken i læm, mutto dal dunji ja munji avkalaš læ; gæn ruoftot vuolgatam:


[ 677 ]12 su valde don vuosstai, su, muo ječčam vaimo,

13 gæn galle datušim muo lut doallat, vai du sajest son muo balvvalifči lakkidam sist evangelium ditti.

14 Mutto du mieđetkættai im maidegen datuši dakkat, amas du buorrevuotta nago mield šaddat, mutto æfto miellalašvuođa mield.

15 Dastgo daidi son damditti oanekas gask du lut ærotuvvum læi, vai aǥalaǯǯat don su fastain anašik;

16 ik vela ain nuftgo æcalaš vellja, erinoamačet munji, mutto man sagga æmbo dunji, sikke oaǯe sist ja hærra sist.

17 Jos dalle muo du særvveguoibmen don anak, de vuosstaivalde su nuftgo muo.

18 Mutto jos maidegen værrevuođaid son dunji læ dakkam, daihe dunji maidegen vælgolaš læ, de loǥa muo bagjeli.

19 Mon Paulus muo ječčam gieđain čallam læm, mon mafsat aigom, amam dunji cælkket, don munji vælgolaš læk vela ješječčad.

20 Nuft veljačam! adde muji illodet du ditti hærra sist; ervosmatte muo vaimo hærra sist!

21 Dorvastedin du gullolašvuođa ala mon dunji læm čallam, go dieđam, don vela æmbo daǥak, go mon cælkam.

22 Mutto rakad munji maida orromsaje; dastgo doaivom galle din rokkusidadek boft digjidi addujuvvut.

23 Epaphras, muo čadnujume guoibmam Kristus Jesus sist,

[ 678 ]24 Markus, Aristarkus, Demas, Lukas, muo barggoguoimek, dunji diervuođaid celkkek.

25 Min hærramek Jesus Kristus arbmo din vuigŋi! Amen.

[Philemoni Romast čallujuvui balvvalegjin Onesimusin.]