Hærramek ja bæsstamek Jesus Kristus ođđa Testament/Girje Ebræalaǯaidi

From Wikisource
Jump to navigation Jump to search
Hærramek ja bæsstamek Jesus Kristus ođđa Testament  (1850) 
Girje Ebræalaǯaidi
[ 678 ]

Girje Ebræalaǯaidi.

1. Kapittal.

Go Ibmel dolin aigin ædnag gærde ja ædnag lakkai vanhemidi sardnom læi prophetaides boft, de dain maŋemuš beivin migjidi sardnom læ barnes boft;

2 gæn son arbbijægjen bigjam læ buok bagjel, gæn boft son maida mailme dakkam læ,

3 gutte, go hærvasvuođa čuovgas læ ja su luondo čielgga govva, ja buokrak guodda su famos sanin, de ješječas bot min suddoidæmek buttastusa daǥai, ja majestætalašvuođa olgiš gieđa bællai manai čokkanet allagasast;

4 ja dade sagga alebun son šaddam læ go engelak, go son aleb nama arbbim læ go si.

5 Dastgo guđe engeli celki son goassegen: don læk muo bardne, odna du rieǥadattim? ja fast: mon su ačče læm, ja son muo bardne læ.

6 Mutto fastain, go vuostasrieǥadam ædnami son sisa doalvvo, de cælkka: ja buok Ibmel engelak sunji rokkadallat galggek.


[ 679 ]7 Ja engeli harrai son cælkka: su engelides son bieggan adna, ja su balvvalegjides dollanjuof­čamen.

8 Mutto bardnai: du thruonno, Ibmel! buok aǥalašvutti čuoǯǯo; vanhurskesvuođa septer du valddegoddad septer læ.

9 Vanhurskesvuođa rakisvuođast, ja verudaǥa vaššest adnik; de damditti, Ibmel! du Ibmel vuoid­dam læ du ilo oljoin æmbo go du veljaidad.

10 Ja: don, hærračam! ædnam vuođodik al­gost, ja almek du gieđaidad daǥok læk.

11 Dak nokkek, mutto don bisok; ja dak oamasmek, nuftgo bivtes;

12 nuftgo biftas don daid čoakkai giesak, ja dak mutašuvvek; mutto don, don oft læk, ja du jaǥek æi noǥa.

13 Mutto guđege engeli celki son goassegen: boađe čokkanet muo olgiš gieđa bællai, dassači go du vaššalaǯaidad du julgi vuollai mon bijam?

14 Æigo si buokak balvvalægje vuoiŋak læk, vuolgatuvvum sigjidi balvvalussan, guđek arbbe­men læk audogasvuođa?

2. Kapittal.

1 De damditti ferttijep mi dade æmbo dast bis­sot, maid mi gullam læp, amamek erit rottišuvvut.

2 Dastgo jos dat sadne, mi engeli boft sard­nujuvui, bisotuvui, ja oaǯoi juokke suddo ja æp­pegullovuot su berliggis balka,

3 moft lægo mist dalle bataraddam lakkai, jos daggar stuorra audogasvuođast mi æp fuola? mi, [ 680 ]go dat algost sarneduvvum læi hærra boft, migjidi nannijuvvum læ sist, guđek su gullam legje;

4 Ibmel duođaštedin mærkai ja oavdoi boft, ja ædnaglaǥaš væǥa daǥoi čađa, ja bassevuoiŋa addaldaǥai boft, su datos mield.

5 Dastgo engeli vuollai i son bigjam dam ædnam valddegodde, mi boattemen læi, man birra mi sardnop.

6 Mutto læ galle muttom gostegen duođaštam, gælkededin: mi læ olmuš, go su muitak? daihe olbmu bardne, go sust fuolak?

7 Oanekas bodduš don vuolledastik su engeli vuollai; gudnin ja goargoin don gudniettik su, ja du gieđaidad daǥoi bagjel don bigjik su;

8 buok su julgi vuollai don bigjik. Go nabbe buok son su vuollai bijai, de i maidegen eritvald­dam, mi su vuollai i šaddam bigjujuvvut; almaken oaidnep mi, atte i vela buok su vuollai bigju­juvvum læk.

9 Mutto su, gutte oanekassi vuolledastujuvvum læi engeli vuollai, Jesus, jabmem givsi ditti gud­nin ja hærvasvuođain gudniettujuvvum mi oaidnep, vai Ibmel armogas dato mield jabmem son buokai audast muosatet galgai.

10 Dastgo dat sunji soavai, gæn ditti buok læ, ja gæn boft buok læ, sunji, gutte daid ædnag manaid hærvasvutti doalvvo, givsi čađa sin audo­gasvuođa hærra basotet.

11 Dastgo sikke son, gutte basot, ja si, guđek basotuvvujek, si buokak oft ače adnek; de dam­ditti i son hæppanadda sin velljanes goččot,

[ 681 ]12 cælkededin: sarnedet aigom du nama muo veljaidassam, du gudne lavllot aigom særvve­godde sist.

13 Ja fastain: su ala dorvastet aigom. Ja fast­ain: gæč, dast de læm, ja dak manak, gæid Ibmel munji addi.

14 Dademield go manak oasalaǯak læk oaǯest ja varain, de son maida dasa særvolaǯǯan læ dak­kujuvvum, jabmemes boft dam famotuttet, gæn gieđast jabmem fabmo læi, dat læ bærgalak,

15 ja sin bæsstet, nuft ædnagid, guđek jab­mem balo ditti garra balvvalusa dillest legje obba sin ællem aigesek.

16 Dastgo i gostegen son engelid aldsis valde, mutto Abraham sokkagodde olbmuid son aldsis valdda.

17 De damditti ferti son veljaides dille vuollai mannat juokke harrai, vai vaimolađes ja oskaldas bajemuš papa son Ibmel audast šaddaši, olbmui suddoid soavatet.

18 Go son gifsašuvui, ja gæččaluvui de sigjidi son matta vækken boattet, guđek gæččaluvvujek.

3. Kapittal.

1 De damditti, di basse veljačidam, særvolaǯak almalaš goččomi! gæčadækket min duođaštussa­mek apostal ja bajemuš pap, Kristus Jesus,

2 gutte sunji oskaldas læi, gutte asati su, nuftgo Moses læi obba Ibmel dalost.

3 Dastgo dade stuorrab gudne sunji bærre go Mosesi, mademield go sust stuorrab gudne læ [ 682 ]dalost, gutte dam rakadi.

4 Dastgo juokke dallo gæstegen rakaduvvu, mutto gutte buokaid rakadægje læ, dat læ Ibmel,

5 Ja Moses galle oskaldas læi obba su dalost, nuftgo balvvalægje, duođaštæmen, mi celkkujuvvut galgai;

6 mutto Kristus oskaldas læ, nuftgo bardne su dalo bagjel; ja su dallo mi læp, jos mi loappamek ragjai oskaldamvuođa sist nanosen bis­sop, ja dam doaivo sist, mi min ramadussamek læ.

7 De damditti, nuftgo bassevuoiŋ cælkka: odna bæive, jos di su jena gullabættet,

8 de allet din vaimoidædek buoššed nuftgo dat moarest, gæččalæme bæive, mæcest dakkujuvui;

9 gost din vanhemak muo gæččalegje, muo iskadegje, josjoge si muo daǥoid njællja loǥe jaǥe oaidnemen legje.

10 De damditti mon moarrai šaddim dom sok­kagodde ala, ja celkkim: alelessi vaimoidæsek sist si čajedaddek, ja muo gæinoid æi si dieđe.

11 De vurdnum moarestam: duođai æi si sisamannat galga muo vuoiŋadussi.

12 Varotækket ječaidædek, veljačak! amas goassegen bahha, æppeoskolaš vaibmo læt guđege sist din gaskast, atte ælle Ibmel lut son erit jorral.

13 Mutto ravvijækket ječaidædek juokke bæive, nuft gukka go celkkujuvvu: odna bæive, amas guttege dist buoššeduvvut suddo bættolašvuođa boft.

14 Dastgo særvolaǯǯan mi læp dakkujuvvum Kristusi, jos min vuostas nanos oskaldasvuottamek [ 683 ]gidda loap ragjai mi bisovaǯǯan adnep.

15 Go celkkujuvvu: odna bæive, jos su jena di gullabættet, de allet din vaimoidædek buoššed, nuftgo moare aige dakkujuvui;

16 Gæk legje dalle si, guđek jena gulle, ja almaken moaratatte su? æigo buokak, guđek Ægyptenest vuolggam legje Moses boft?

17 Mutto gæi ala moaratattujuvui son njællja loǥe jaǥe? Igo sin ala, guđek suddodegje, gæi rubmašak mæccai gačče?

18 Ja gæi ditti vuornoi son, atte æi sisaman­nat si galggam su vuoiŋadussi, æreb go sin ditti, guđek æppeoskolaǯak legje?

19 Mi dast oaidnep, atte æi si vuoiŋadussi mattam bæssat æppeosko ditti.

4. Kapittal.

1 Barggop mi damditti, go loppadussa ain mist læ su vuoiŋadussi bæssat, ječaidæmek varotet, amas orrot, atte guttege dist baccemen læ.

2 Dastgo maida migjidi loppadussa sarneduv­vum læ, nuftgo doidi; mutto sadne, maid dok gulle, i vækketam sin, go dat osskoi ofti oftstattu­juvvum i læm sin sist, guđek dam gulle.

3 Dastgo mi vuoiŋadussi sisa mannap, mi, guđek osskop, dam mield, maid son læ cælkkam: nuft vurdnum mon moarestam: duođai, æi si oaǯo muo vuoiŋadussi sisamannat; go mailme sivnedubme ollašuvvum læi.

4 Dastgo nuft son muttom baikest læ cælk­kam čiečad bæive harrai: ja Ibmel vuoiŋadi čiečad [ 684 ]bæive buok su daǥoines.

5 Ja dast fastain: duođai, æi si galga muo vuoiŋadussi bæssat.

6 Go nabbo dalle ain soabmasidi dasa bæssam lakkai læ, ja si, gæidi loppadussa vuost sarneduv­vum læi, æi sisa bæssam æppeosko boft,

7 nuft son fastain bæive mæred, nabmalassi odna bæive, go David boft cælkka nuft gukka aige gæčest — mi auddal celkkujuvvum læi: — odna bæive, jos di su jena gullabættet, de allet vaimoidædek buoššed.

8 Dastgo jos Josva læi sigjidi vuoiŋadusa ad­dam, de Ibmel i læm dastmaŋŋel nubbe bæive sardnom.

9 De ain sabbatvuoiŋadussa nabbo dalle læ Ibmel olbmuidi.

10 Dastgo, gutte su vuoiŋadussi jo sisaman­nam læ, son maida vuoiŋadusast orro su daǥoines, nuftgo Ibmel su daǥoines.

11 Barggop mi damditti dam ala viggat dom vuoiŋadussi bæssat, amas guttege jorralet damanaǥa æppeosko auddamærka mield.

12 Dastgo dat Ibmel sadne ælle ja famolaš læ, ja bastelabbo go guoftavjosaš miekke, ja čađa manna, dassači go sikke sielo ja vuoiŋa dat bođđe, sikke lađđasid ja ađđamid, ja vaimo jurddagid ja arvvalusaid dat duobme.

13 Ja i mikkege sivnadusaid oaidnemættom læ su čalmi audast; mutto buok almos ja oainolaš læ su čalmi audast, gæn mi sardnop.

14 Go stuorra bajemuš pap mist dalle læ, gutte [ 685 ]almi čađa mannam læ, Jesus, Ibmel bardne, de bissop mi nanosen duođaštusa sist.

15 Dastgo bajemuš pap mist i læk, gutte njuor­ranet i mate min hægjovuođaidæmek vuosstai, mutto daggar, gutte juokke dafhost gæččaluvvum læ, nuftgo mi, mutto suddotaǥa.

16 Damditti loaidestækkop mi rokadlaǯǯan armo thruono ouddi, atte vaimolađesvuođa mi oaǯǯop, ja armo gavdnap darbašlaš vækken.

5. Kapittal.

1 Dastgo juokke bajemuš pap, gutte olbmuin valddujuvvu, olbmui audast balvvalusa varas asa­tuvvu Ibmel audast, sikke addaldaǥaid ja njuov­vamoafferid auddanbuftet suddoi audast,

2 ja son matta galle daidemættom ja čajedægje olbmui vuosstai njuorranet, dademield go maida ješ hægjovuođain birrastattujuvvum læ,

3 ja dam ditti færtte son, nuftgo olbmui audast, nuft maida ješječas audast, suddooafferid auddan­buftet.

4 Ja i oftage aldsis dam gudne valde, mutto sust dat gudne læ, gutte Ibmelest læ goččujuv­vum, nuftgo maida Aron læi.

5 Nuft maida Kristus i songe læk aldsis dam gudne addam bajemuš pappan dakkujuvvut, mutto son, gutte sunji celki: don læk muo bardne, odna bæive du rieǥadattim.

6 Nuftgo maida son nubbe baikest cælkka: don pap læk aǥalašvutti, Melkisedek lakkai.

7 Son, gutte su oaǯes beivin, go stuorra [ 686 ]čuorvvomin ja gadnjaliguim rokkusid ja adnomid sunji buvti, gæn gieđast læi su jabmemest erit bæsstet, ja balostes son gullujuvui,

8 oapai, josjoge bardne læi, almaken gullo­lašvuođa dast, maid son gillai;

9 ja go ollašuvvum læi, de son buok sigjidi, guđek sunji gullolaš læk, aššen šaddai aǥalaš besstujubmai,

10 Ibmelest bajemuš pappan goččujuvvum, Melkisedek lakkai.

11 Dam birra mist ollo sardnomuššan læi, ja mi vades læ čilggit, go hilljan di læppet šaddam arvedet.

12 Dastgo josjoge di aige dafhost berrišeidek vela oapatægjek læt, de di fastain darbašæppet oapatuvvut, mi Ibmel sane alggobagadussa læ, ja daggaren di læppet šaddam, guđek mielke dar­bašest læk, ja æi garra biemo.

13 Dastgo juokkaš, gutte mielke oaǯǯo, dai­demættom læ vanhurskesvuođa oappoi, dastgo manna son læ.

14 Mutto olles olbmuidi læ garra biebmo, gæi jierbme oapo boft harjetuvvum læ ærotusa dakkat, mi buorre ja bahha læ.

6. Kapittal.

1 Guođđop mi dal sarnedkættai alggobagadusa Kristus birra, ja mannop mi ollasabbo oappoi, atte mi æp fastain algo dakkagoattet jabmem daǥoin erit jorggalæme, ja osko birra Ibmel ala sarnededin,

[ 687 ]2 ja gasta oapo, ja gieđa bagjelibigjujume, ja jabmi bajasčuoǯǯelæme, ja aǥalaš duomo.

3 Ja dam mi dakkat aiggop, jos Ibmel suovva.

4 Dastgo vægjemættos læ, atte si, guđek ofti čuvggijuvvum læk, ja dam almalaš addaldaǥa muosatam læk, ja bassevuigŋi særvolaǯǯan dak­kujuvvum læk,

5 ja Ibmel buorre sanid muosatam læk, ja boatte mailme famoid, ja erit jorralek, atte si fastain mattek ođđasmuvvut jorggalussi Ibmel guvllui,

6 go Ibmel barne si aldsesek russinavllijek, ja su bilkadussan dakkek.

7 Dastgo ædnam, mi arve jukka, mi daja dam bagjeli boatta, ja šaddoid dakka, sigjidi avkalaš, gæin rakaduvvu, Ibmelest buristsivna­dusa oaǯǯo;

8 mutto mi basstelis lanjaid ja gaskalas rasid šaddad, šaddotæbme læ ja garrotussi lakka; ja dam loap læ balddujuvvut.

9 Mutto din dafhost, di æcalaǯak! de nanoset mi doaivvop, mi buoreb læ, ja mi audogasvuođa adda, josjoge mi nuft sardnop.

10 Dastgo Ibmel vanhurskesmættom i læk, atte din daǥo son vajaldatta, ja dam rakisvuođa, maid di su nabmi čajetam læppet, go su basse olbmuid di balvvalam læppet ja ain balvvalæppet.

11 Mutto mi datušeimek, atte juokkaš dist damaka angervuođa čajet doaivo olles nanostume ditti loap ragjai,

12 atte æppet di hiljo, mutto atte di bargga­bættet sin doarredet, guđek osko ja [ 688 ]gierdavašvuođa čađa loppadusaid arbbim læk.

13 Dastgo go Ibmel Abrahami loppadusa addi, go sust stuorrab i læm, gæn boft vuordnot, de ješječas boft vuornoi, cælkededin:

14 Duođai, mon du buristsivnedet, ja ædnag olmučen dakkat aigom.

15 Ja nuft, go gierdavaǯǯan son vuorddam læi, de loppadusa oaǯoi.

16 Alma olbmuk stuorrab boft vurdnuk, ja valle sigjidi loappan læ buok ridost, ja nano­stussan.

17 De damditti, go Ibmel loppadusa arbbije­gjidi ain buorebut su datos nubbastuvvamættom­vuođa čajetet aigoi, de vale son dasa bijai;

18 vai guoft nubbastuvvamættom sani boft, mai mield vægjemættos læi, atte Ibmel mati giel­lastallat, mi nanos jeđđitusa anašeimek, go bata­raddamen mi læp Ibmel lusa dam migjidi bigjujuv­vum doaivo sist nanosen bissom ditti,

19 maid mi adnep siellomek oagjebas ja na­nos ankaren; ja mi auddaloavddag siske bællai manna,

20 gost Jesus, min audastmanne, min audast sisa manai, son, gutte Melkisedek lakkai bajemuš pappan šaddam læ aǥalašvutti.

7. Kapittal.

1 Dastgo dat Melkisedek, Salem gonagas, alemus Ibmel pap, gutte Abraham audald manai, go maccammaŧkest læi, go gonagasaid vuoittam læi, ja gutte su buristsivnedi,

[ 689 ]2 gæsa maida Abraham loǥadas addi buok ælost: son læ vuost, go su nabma čilggijuvvu, vanhurskesvuođa gonagas, de nubbadašši maida Salem gonagas, dat læ, rafhe gonagas,

3 son læ ačetaǥa, ædnetaǥa, sokkagoddelo­ǥotaǥa, i sust læk beivi alggo ige ællem loap, mutto, Ibmel bardnen værddeduvvum, de alelessi son pap orro.

4 Gæčadækket dalle, man stuores dat læ, gæsa patriark Abraham vela loǥadas salačestes addi.

5 Ja dak Levi manak, guđek papfidno vuos­staivalddek, goččujuvvum galle læk laǥa mield loǥadas olbmuin valddet, dat læ, veljainæsek, josjoge dakgis Abraham alemest boattam læk;

6 mutto son, gutte sin sokkagoddai i lokku­juvu, loǥadas Abrahamest valdi, ja su buristsiv­nedi, gæst loppadusak legje.

7 Mutto alma vuosstainagotaǥa de son, gutte vuoleb læ, sust buristsivneduvvu, gutte aleb læ.

8 Ja dabe vuosstaivalddek jamolaš olbmuk lo­ǥadas, mutto dobbe son, gæn birra duođaštuvvu, atte son ællemen læ.

9 Ja, atte nuft cælkket galgam, vela Levi, gutte loǥadas valdda, Abraham boft loǥadas ad­dam læ;

10 dastgo ain ačes alemest læi, go Melkisedek su audald manai.

11 Jos dalle ollesvuotta jufsamest lifči levitalaš papfidno boft, — dastgo dasa legje olbmuk laǥast čadnujuvvum, — manne dalle vela ain darbašuvui, atte nubbe pap Melkisedek lakkai [ 690 ]bajasčuǯǯelet galgai, ja Aron laǥe mield i na­matuvvut?

12 Dastgo, go papfidno molsašuvvu, de mai­da lakka molsašuvvut færtte.

13 Dastgo son, gæn birra dat celkkujuvvu, nubbe sokkagodde olmuš læi, man sist i oftage altar balvvalægje læm.

14 Dastgo dieđost læ, atte min hærramek Ju­dast boattam læ, gæn sokkagoddai Moses i mai­degen sardnom læk papfidno harrai.

15 Ja dat ain čielggasabbo šadda go nubbe pap čuoǯǯel Melkisedek lakkai,

16 gutte pappan i læk dakkujuvvum oaǯalaš bakkom mield, mutto čoavddemættom ællem famo mield.

17 Dastgo son duođašt: don pap læk aǥa­laǯǯat, Melkisedek lakkai.

18 Audeb bakkom heittujubmai nabbo dalle šadda, go rašše læi ja avketæbme,

19 — dastgo laǥast i læk mikkege olles, — ja buoreb doaivvo šadda addujuvvut, man boft mi Ibmeli lakkanæp.

20 Ja dademield go dat valetaǥa i addujuvum:

21 — dastgo dok pappan šaddam læk vale­taǥa, mutto dat valin, su boft, gutte sunji cælkka: hærra vuordnom læ, ja i son gađa: don pap læk aǥalaǯǯat, Melkisedek lakkai; —

22 de Jesus šaddam læ dade buoreb litto audastolmai.

23 Ja dok papak ædnagak legje, go jabmem gildi sin bissomest;

[ 691 ]24 mutto sust nokkamættom pappavuotta læ, go aǥalaš aiggai son bisso;

25 de damditti ollaset matta son daid audo­gassan dakkat, guđek su boft Ibmel lusa bottek, dastgo alelessi son ælla sin audast auddanloaidestet.

26 Dastgo daggar bajemuš pap migjidi heivi, gutte basse læ, viǥetæbme, mainnetæbme, sud­dolaǯai særvest erit čulddujuvvum, ja almi bagjel aleduvvum,

27 gutte i darbaš, ærra bajemuš papai lakkai, bæivalaǯǯat su ječas suddoi audast vuost oafferid auddanbuftet, dastmaŋŋel olbmuides audast; dastgo dam son ofti daǥai buokai audast, go ješječas son oafferuššai.

28 Dastgo lakka bajemuš pappan olbmuid asat, gæin hægjovuotta læ; mutto vale sadne, mi læ maŋeb go lakka, barne asat, gutte olles læ aǥalaš aiggai.

8. Kapittal.

1 De læ dalle oaivadussa dast, mi dast celk­kujuvvu: mist daggar bajemuš pap læ, gutte majestætalašvuođa thruono olgis gieđa bæld almin čokkamen læ,

2 gutte Ibmelbalvvalusa audastčuoǯǯo, ja dam duot tabernakal, maid hærra bajasrakadam læ, ja olmuš i.

3 Dastgo juokke bajemuš pap bigjujuvvu sikke addaldaǥaid ja njuovvamoafferid auddanbuf­tet; de damditti darbašuvvu, atte maida sust mik­kege læ oafferuššat.

[ 692 ]4 Jos son nabbo dalle ædnamest læi, de i son læm pap, dastgo dast papak læk, guđek addaldaǥaid laǥa mield auddanbuftek;

5 guđek almalaš (tabernakal) gova ja suoivvan balvvalægjek læk, dademield go Moses Ibmelest bagaduvui, go tabernakal dakkat galgai: dastgo barga, son celki, buokrakkan dam gova mield dakkat, mi dunji varest čajetuvui.

6 Mutto dal son dade aleb fidno oaǯǯom læ, mademield go son maida buoreb litto audastolmai læ, mi vuođđoduvvum læ buoreb loppadusai ala.

7 Dastgo jos dot audeb litto laittemættom lifči læm, de sagje i lifči læm occujuvvut nubbai.

8 Mutto sin ditti son vaidda, ja cælkka: gæč, dak bæivek jovddek, cælkka hærra, go ođđa litto dakkat aigom Israel daloin, ja Juda daloin;

9 im dam litto mield, maid sin oudiš vanhe­miguim dakkim dam bæive, go gitti sin valddim, sin Ægypten ædnamest erit doalvvot; dastgo muo littost si æi bissom, de damditti sist im fuollam, cælkka hærra.

10 Mutto dat de læ dat litto, maid Israel daloin mon daǥam dai beivi maŋŋel, cælkka hærra: muo laǥaid mon sin miela vuollai addam, ja sin vaibmoi daid sisačalam; ja mon aigom sin Ibmel læt, ja si galggek muo olbmuk læt.

11 Ja æi si bagadæmen læk ješ gutteg guoi­mes, ja ješ gutteg veljas, cælkededin: dieđe hærra; dastgo buokak muo diettemen læk, ucakaš mana rajast sin gaskast stuorra olbmu ragjai sin gaskast.

[ 693 ]12 Dastgo armogas mon aigom læt sin van­hurskesmættomvuođai vuosstai, ja sin suddoid ja sin mæddadusaid im šat muittet aigo.

13 Cælkededines: ođđa, de audeb litto son oabmašam læ; mutto mi boarrasmuvvam ja oab­masman læ, nokkagoattemen jo læ.

9. Kapittal.

1 Legje galle audeb tabernakalest asatusak ibmelbalvvalusa dafhost, ja ædnamlaš bassevuotta.

2 Dastgo rakaduvvum læi audeb tabernakal, man sist sikke ginteljuolgge læi, ja bævdde, ja geččujume laibek; dat goččujuvui dat basse;

3 mutto nubbe auddaloavddag duokken dat tabernakal læi, mi goččujuvui dat buokbasemus,

4 mast golle suoivaslitte læi, ja litto arkka, birra buok gollin skoadestuvvum, man sist golle­litte læi, man sist Manna læi, ja Aron šaddulaš soabbe, ja litto tavalak.

5 Mutto dam bajabæld legje hærvasvuođa kerubim, mak arbmostuolo suoivvanaste, man birra dal i læk nabmalassi sardnot.

6 Go dat nuft rakaduvvum læi, de alelessi papak audeb tabernakal sisa manne, go Ibmel­balvvalusa si doaimategje;

7 mutto maŋeb tabernakal sisa manai bajemuš pap dušše ofti jaǥest; i varaitaǥa, maid ješječas audast ja olbmui mæddadusai audast son oafferuššai.

8 Dago boft diettevassi addi bassevuoiŋ, atte gæidno bassevutti i læm vela almostuvvum, nuft gukka go audeb tabernakal ain sajestes oroi;

[ 694 ]9 mi auddagovva læi dam dalaš aige ragjai, go sikke addaldaǥak ja oafferak ain auddanbuf­tujuvvujek,

10 mak æi mate sin ollesen dakkat oamedovdo mield, guđek balvvalek Ibmel dušše borramušai ja jukkamušai ja dai moaddelaǥaš bassalemi ja oaǯalaš asatusaiguim, mak bagjelibigjujuvvum le­gje buoreb oaivadusa aige ragjai.

11 Mutto go Kristus bođi, bajemuš pap boatte buridi, de stuorrab ja buoreb tabernakal čađa son manai, mi gieđaiguim i læk dakkujuvvum, dat læ: mi dam sivnadusa mield i læk,

12 i bokkai, ige galbbai varai boft, mutto su ječas varai boft, oft gærde basse (alme) sisa, ja aǥalaš lonastusa daǥai.

13 Dastgo jos vuovsai ja bokkai varak, ja galbbagunak, maiguim buttesmættomak riškotuv­vujek, basotek oaǯe butesvuođa dafhost:

14 man sagga æmbo ferttijek dalle Kristus varak, gutte aǥalaš vuoiŋa boft mainnetes oafferen ješječas Ibmeli oafferuššai, din oamedovddodek jabmem daǥoin erit butestet ælle Ibmel balvvalet.

15 Ja damditti læ son dam ođđa testamenta gaskolmai, vai, go jabmem dakkujuvvum læ lona­stussan dain mæddadusain erit, mak dakkujuvvum legje audeb testamenta aige, vai si, guđek gočču­juvvum læk, aǥalaš arbe loppadusa oǯuši.

16 Dastgo gost testament læ, de darbašuvvu su jabmem, gutte testamenta daǥai.

17 Dastgo testament nanosen vuost šadda, go olmuš jabmam læ, dastgo i goassegen dat mavsa [ 695 ]maidegen, nuft gukka go son ælla, gutte testa­menta daǥai.

18 Ige dat audeb šaddam damditti asatuvvum varaitaǥa.

19 Dastgo go buok bakkomak laǥa mield buok olbmuidi gulatuvvum legje, de galbba-ja bokkava­raid son valdi ja čace ja skarlagan ulloid ja isop, ja vela (laǥa) girje ješ son riškoti, ja buok olbmuid, cælkededin:

20 dak dam litto varak læk, maid Ibmel din­guim dakkat aigoi.

21 Mutto damaka lakkai tabernakal ja buok Ibmelbalvvalusa gaskomid varaiguim son riškoti.

22 Ja masa buok varaiguim butestuvvu laǥa mield, ja vari golgastusataǥa andagassi addu­jubme i læk.

23 De ferttijegje damditti govak dain, mak almest læk, dago boft butestuvvut, mutto dak, mak almest læk, buoreb oafferi boft go dak ædnamlaš.

24 Dastgo Kristus i dam basse tempal sisa­mannam, mi gieđaiguim dakkujuvvum læ, mi dušše dam duot tempal govva læ, mutto albmai ješ, Ibmel čalmi audast dal min audast almostuvvut;

25 ige damditti davjabut ješječas oafferuššat, nuftgo bajemuš pap juokke jaǥe dam basse tempal sisamanna veris varaiguim;

26 — mođđoi lifči dat su bagjelist orrom dav­jarak gillat mailme vuođo bigjujume rajast, — mutto dal oft gærde son aigi ollesdievvamest almo­stuvvum læ su oafferes boft suddo duššen dakkat.

[ 696 ]27 Ja nuftgo olbmuidi asatuvvum læ ofti jab­met dastmaŋŋel duobmo;

28 nuft maida Kristus ofti oafferuššujuvvum læ ædnagi suddoid erit javkkadet; nubbe gærde, i almaken nuftgo suddooaffer, son sist šadda oidnu­juvvut, guđek su vuorddemen læk audogasvuođa ditti.

10. Kapittal.

1 Dastgo lakka, mast dušše boatte buri suoiv­van læ, ja i dai buri govva ješ, i goassegen mate daidanaǥa jakkasaš oafferi boft, maid si ale­lessi auddanbuftek, sin ollesen dakkat, guđek dai­guim auddanbottek.

2 Alma dalle dak oafferak nokkam legje, go oafferuššek dalle æi maidegen dovdoid adnam læm sin suddoidæsek ditti, go si vuost oft gærde jo butesen legje dakkujuvvum.

3 Mutto oafferi boft de jakkašaǯǯat adnujuvvu suddoi muitto.

4 Dastgo vægjemættos læ, atte vuovsai ja bokkai varak mattek suddoid erit javkkadet.

5 De damditti cælkka son mailbmai boađede­dines: njuovvamoafferid ja borramušoafferid ik don aiggom, mutto rubmaš don munji rakadik;

6 Boaldemoafferid ja suddooafferid ik don aiggom.

7 De celkkim mon: gæč, mon boađam, — čallujuvvum læ girjest muo birra, — dakkat, muo Ibmelam! du dato.

8 Go vuost cælkkam læi: njuovvamoafferid ja [ 697 ]borramušoafferid ja boaldemoafferid ja suddooaf­ferid ik aiggom, ikge daid dokkitam, — mak laǥa mield auddanbuftujuvvujek, —

9 de celki: gæč, mon boađam, dakkam ditti, muo Ibmelam! du dato. Son heittujubmai dakka audeb dam maŋeb asatam ditti.

10 Guđe dato boft mi bassendakkujuvvum læp Jesus Kristus rubmaš oafferuššujume boft dam oft gærde.

11 Ja juokke pap bæivalaǯǯat čuoǯǯo balv­valet ja ædnag gærde oafferuššat daidanaǥa oaffe­rid, mak æi goassegen mate suddoid erit valddet;

12 mutto son, go oft oaffer oafferuššam læi suddogasai audast, de alelessi son Ibmel olgiš gieđa bæld čokka;

13 vuordededin, dassači go su vaššalaǯak šaddek bigjujuvvut su julgi vuollai.

14 Dastgo ovt oafferin sin alelessi son ollesen dakkam læ, guđek bassendakkujuvvujek.

15 Mutto dam maida bassevuoiŋ migjidi duo­đašt; dastgo, go vuost cælkkam læ:

16 dat de læ dat litto, maid dakkat aigom sin­guim dai beivi gæčest, cælkka hærra: muo laǥaidam sin vaimoidi mon addam, ja sin milli daid čalam;

17 de cælkka: ja im šat æmbo muittet aigo sin suddoid ja sin mæddadusaid.

18 Mutto gost andagassi addujubme jo læ, dast oaffer i šat æmbo darbašuvu suddo audast.

19 Daddemield, veljačak! go mist dalle roakkad­vuotta Jesus varai boft læ Ibmel basse tempal sisamannat,

[ 698 ]20 man isa son basoti migjidi ođđa ja ælle gæino auddaloavddag čađa, dat læ, su oaǯe čađa;

21 ja dademield go stuorra pap mist læ Ibmel dalo bagjel;

22 de auddan loaidestækkop mi duođalaš vaimoin, osko nanna dorvost, riškotume boft vai­moidæmek sist bahha oamedovdostæmek erit bute­stuvvum, ja rubmaš bælest butes čacin bassaluvvum.

23 Orrop mi bisovaǯǯan doaivvomek nanna duođaštusast, dastgo son oskaldas læ, gutte lop­padusa addi;

24 ja vuttivalddop mi guim guimidæmek, atte rakisvutti ja buorre daǥoidi guim guimidæmek mi viggatæp,

25 ja allop mi min ječaidæmek čoagganæme særvest erit vuolge, nuftgo soabmasak dakkek, mutto ravvijækkop mi guim guimidæmek; ja dade æmbo, go di oaidnebættet, bæivve lakkanæmen jo læ.

26 Dastgo jos æftomiellalaǯǯan suddoid mi dakkap, maŋŋel go duotvuođa dieđo mi vuos­staivalddam læp, de oaffer i šat æmbo læk bac­cemen suddo audast,

27 mutto duomo suorgadlaš vuorddem, ja buolle angervuotta, mi gaǯǯarid duššadæmen læ.

28 Go guttege Moses laǥa doagjam læ, de guoft daihe golm veris olbmui njalme mield son armo­taǥa jabma.

29 Man sagga bahab rangaštusa gaddebættet di son aššalaǯǯan lokkujuvvut galgga, gutte Ib­mel barne julgides vuollai duolbmam, ja litto [ 699 ]varaid bagjelgæččam læ, maiguim basotuvvum læi, ja gutte armo vuoiŋa higjedam læ!

30 Dastgo mi diettep su, gutte cælkam læ: munji mafso, mon mafsat aigom, cælkka hærra. Ja fastain: hærra olbmuides duobmemen læ.

31 Suorgadlaš læ ælle Ibmel gieđaidi šaddat.

32 Mutto vassam beivid muittet, go di, dalle go čuvggijuvvum di læidek šaddam, stuorra gilvo anidek gillamušaiguim,

33 go di sikke bilkadusai ja givsi boft buok olbmuin bagjelgeččujuvuidek, ja sin dille guoimek šaddaidek, guđek daggar dille vuold legje.

34 Dastgo muo baddi vuosstai di njuorranei­dek, ja iloin di vela gilaidek, go si din æloid rievvadegje, go dist dat dietto læi, atte duokken­ædek buoreb ja bistavaš ælok legje almin.

35 Allet damditti din roakkadvuođa erit luoite, mi stuorra balka oaǯǯo.

36 Dastgo gierdavašvuođa di galle darba­šæppet, vai, go Ibmel dato di dakkam læppet, di dalle loppadusa oaǯǯobættet.

37 Dastgo aive oft oanekas gask ain læ, das­sači go son boatta, gutte boattemen læ, ja i son agjan.

38 Mutto dat osko boft vanhurskes son oaǯǯo ællet; jos guttege (oskost) erit ječas dakka, muo siello i dokkit su.

39 Mutto æp mi sin gaskast læk, guđek ječaid­æsek erit dakkek aldsesek gođotussan, utto sin gaskast, guđek osskuk sieloidi audogasvuottan.

[ 700 ]

11. Kapittal.

1 Mutto ossko læ bisovašvuotta dam sist, mi doivvujuvvu, ja nanna dorvvo dam ala, mi i oidnu.

2 Dam boft oǯǯu vanhemak damditti buorre duođaštusaid.

3 Osko boft mi arvedæp, atte mailbme raka­duvvum læ Ibmel sane boft, atte dat, mi oidnu­juvvu, dast boattam læ, mi i oidnu.

4 Osko boft oafferuššai Abel Ibmeli buoreb oaffer, go Kain, ja dam boft oaǯoi son dam duo­đaštusa, atte vanhurskes læi, go Ibmel su addal­daǥaid dokkiti; ja dam boft son ain sardno, jos­joge jabmam læ.

5 Osko boft valddujuvui Enok, amas jabmem oaidnet, ja i son gavdnujuvvum, go Ibmel su valddam læi; dastgo auddal go valddujuvui, de sust duođaštusa læi, atte Ibmeli son dokkalaš læi.

6 Mutto oskotaǥa dat vægjemættos læ sunji dokkit; dastgo gutte Ibmel ouddi boatta, jakket færtte, atte son læ, ja atte son sigjidi balka adda, guđek su occek.

7 Osko boft dat læi, atte Noah, Ibmelest rav­vijuvvum dam birra, mi i vela oaidnemest læm, Ibmelest balai, ja arka rakadi dalos besstujubmen; dam boft mailme son dubmi, ja šaddai osko van­hurskesvuođa arbbijægjen.

8 Osko boft læi Abraham gullolaš, go gočču­juvui, dam ædnami mannat, maid arbbit galgai; ja son vulgi, josjoge dieđekættai læi, gosa manai.

9 Osko boft loppadusa ædnamest son oroi, nuftgo veris (ædnamest), paulunai sist assame Isakin [ 701 ]ja Jakobin, guđek dam loppadusa arbbim guoi­mek læiga;

10 dastgo dam baike son vurdi, mast vuođđo læ, man rakadægje ja dakke Ibmel læ.

11 Osko boft oaǯoi maida Sara ješ famo ælo­tet, ja su aǥes aige bagjel rieǥadatti; dastgo son jaki su oskaldasen, gutte loppedam læi.

12 De damditti sakkanegje oft olbmust, gutte vela jabmegoattemen jo læi, nuftgo alme nastek ædnagvuođa dafhost, ja nuftgo saddočalmek mæra gaddest, mak lokkamest æi læk.

13 Osko sist jabme buok dak loppadusaid juvsakættai, mutto gukken si oidne daid, ja jake­tadde, ja gudniette daid, ja duođaštegje, atte guosek ja vierrasak si legje ædnamest.

14 Dastgo guđek nuft celkkek, si diettevassi addek, occamen si læk ačesek ædnam.

15 Ja jos si jurddagidasek sist adnam legje dam ædnam, mast si vuolggam legje, de galle dille sist lifči læm ruoftod maccat;

16 mutto dal buoreb si halidek, ja dat læ dat almalaš; de damditti sist Ibmel i hæppanadda, sin Ibmel goččujuvvut; dastgo sigjidi son rakadam læ baike.

17 Osko boft oafferuššai Abraham Isak, go gæččaluvui, vela su aidno son oafferuššai, gutte loppadusaid oaǯǯom læi,

18 ja gæsa celkkujuvvum læi: Isak sist sieb­man dunji goččujuvvut galgga;

19 dastgo jurdašæmen son læi, Ibmelest galle fabmo læi vela jabmi dillest bajasčuoǯǯaldattet, ja [ 702 ]daggar værdadusa čađa oaǯoi son maida su ruoftod.

20 Osko boft dasa, mi boattemen læ, de bu­ristsivnedi Isak Jakob ja Esau.

21 Osko boft buristsivnedi Jakob, go jabme­men læi, Joseph guoft barnid, ja rokkadallai, go soabe oaivvegæče bagjel son ječas sojati.

22 Osko boft muiti Joseph, go jabmemen læi, Israel manai vuolggem, ja ravvagid son addi davtides harrai.

23 Osko boft de čikkujuvui Moses, go rieǥadam læi, golm manod su vanhemines, dastgo soi oiniga, atte manna čabes læi; ja gonagas goččo­mest æva soi ballam.

24 Osko boft biettali Moses, go stuores šad­dam læi, Pharao nieida bardnen goččujuvvut,

25 ja buorebun ani bahaid gillat Ibmel olb­muiguim, go suddo aigasaš navdašæme adnet,

26 go Kristus bilkadusa stuorrab ællon ani go Ægypten daverid; dastgo balka bællai son gæčai.

27 Osko boft Ægypten sist son vulgi, ja go­nagas moarest i ballam; dastgo dam oaidnemættom lut bisovaǯǯan son ani ječas, dego son oini su.

28 Osko boft bæssačid ja varai riškotume son asati, amas son, gutte vuostasrieǥadegjid sorb­memen læi, sigjidi guoskatet.

29 Osko boft rufsis mæra čađa si manne, nuftgo goikke ædnam čađa; mutto go Ægypta­laǯak dam gæččalegje, de si hævvanegje.

30 Osko boft gačče Jeriko ladnesæinek, go čiečča bæive dak birrastattujuvvum legje.

[ 703 ]31 Osko boft fuorra Rahab i godatallam dai æppeoskolaš olbmuiguim; dastgo iskadegjid rafhin son vuosstaivalddam læi.

32 Mutto manne vela æmbo sardnot? Aigge munji vaillogoađaši, jos sardnogoađašim Gideon ja Barak ja Samson ja Jephtah ja David ja Samuel ja prophetaid,

33 guđek osko boft valddegoddid vuitte, van­hurskesvuođa dakke, loppadusaid oǯǯu, lægjoni njalmid noŧkke,

34 dola famo časkedegje, miee avjo vuold erit bataradde, apid fastain oǯǯu lamesvuođa maŋŋel, soattai givrru, vaššalaǯai væǥaid bataratte.

35 Nissonak jabmidæsek fastain oǯǯu, guđek bajasčuoǯǯelegje. Ærrasak vadnatuvvujegje gif­sašuvvum ditti, go besstujume si æi vuosstaivald­dam, vai hærvasabbo bajasčuoǯǯelæme si oǯuši.

36 Ærrasak bilkadusaid ja rissijume oidne, ja lakkid ja giddagasaid;

37 guđgiguim si goddujuvvujegje, rassta čup­pujuvvujegje, gæččaluvvujegje, mikiguim hæg­gattujuvvujegje, savcai ja gaicai naki sist birra­vagjolegje, vaivašvuođa gille, hahhast lakkai adnujuvvujegje, givseduvvujegje,

38 — Mailbme i oansašam sin — mecin si vagjolegje, ja varin ja ædnam roggin ja biejoin.

39 Ja dak buokak, josjoge buorre duođaštussa sist læi sin oskosek boft, loppadusa æi jufsam;

40 dastgo Ibmel migjidi auddaloaidnam læi, mi buoreb læi, atte æi si galga ollašuvvut mintaǥa.

[ 704 ]

12. Kapittal.

1 Go daggar joavkko duođaštegjin mist læ birramek, de eritid bigjop mi bagjelistamek dam­ditti buok noađe, ja suddo, mi forg min fillimen læ, ja vuolggop mi gierdavaǯǯan dam soattai, mi min audast læ;

2 osko algetægje ja ollitægje gæčadedin Jesus Kristus, gutte, dam ilo sajest, mi su audast læi, gierdavaǯǯan ruosa gilai, bilkadusa bagjelgæča­dedin, ja dal Ibmel thruono olgiš bæld čokka.

3 Gæčadækket damditti su, gutte gierdavaǯ­ǯan daggar vuosstaihaǥo gillam læ suddogasain jeČas vuosstai, amadek sieloidædek sist di vaibbat ja hærdotuvvut.

4 Æppet vela læk gidda varai vuollai vuos­staičuoǯǯom, suddo vuosstai doarodedin;

5 ja vajaldattam di læppet dam ravvag, mi digjidi sardnomen læ, nuftgo manaidi: muo barna­čam! ale ucaš hærra rangaštusa, alege hærdotuvu, go sust bagaduvuk;

6 dastgo gæn hærra rakisvuođastes adna, su son bagad, ja juokke barne son rissi, gæn man­nanes son valdda.

7 Jos rangaštus di gillabættet, de Ibmel din adna nuftgo manaides; dastgo gi dat barne læ, gæn ačče i rangašt?

8 Mutto jos di rangaštusataǥa læppet, masa buokak læk særvolaǯǯan dakkujuvvum, de juolg­gemanak di læppet, ja rieftes manak æppet.

9 Læpgo mi oaǯalaš vanhemid bagadægjen adnam, ja balo sin audast adnam læp, æpgo dalle [ 705 ]sagga æmbo vuoiŋai aččai galga læt vuolebuš, vai ællep?

10 Dastgo dok rangaštegje min soames bæive sin arvvalusa mield, mutto son min rangašt mi­gjidi buorren, vai su bassevutti særvolaǯǯan mi dakkujuvvujep.

11 Mutto buok rangaštussa orro galle, nuft gukka go bissta, i læt illon, mutto morrašen, mutto maŋŋel dat sigjidi adda, guđek dam boft harje­tuvvum læk, vanhurskesvuođa audogas šaddoid.

12 De nannijækket damditti daid vaibbam gie­đaid ja daid vuoimetuvvum čibbid.

13 ja dakkat lavkid julgidædekguim, amas dat, mi skirbma jo læ, lađđasist aibasrakkan vælčetet; mutto vai buorreduvvu.

14 Barggat rafhe adnet buok olbmuiguim, ja barggat bassevuođa ala, mantaǥa i oftage oaǯo hærra oaidnet;

15 ja varotækket ječaidædek, amas guttege Ibmel armo aige maŋedet, amas mikkege bača ruottasid, mi bocidæmen læ, moive dakkat, ja amasek ædnagak dago boft duolvaduvvut;

16 amas guttege furušægje læt, daihe æppe­basse, nuftgo Esau, gutte dušše borramušai ditti vuostasrieǥadæmes vuoigadvuođa vuvdi.

17 Dastgo di diettebættet, atte son galle dast­maŋŋel, go buristsivnadusa arbbit aigoi, hilgguju­vui. Dastgo i son oaǯǯom maidegen nubbastu­said arvvalusast, josjoge čierromin son dam bivdi.

18 Dastgo æppet di doargestægje varrai boattam læk, dolast buollatuvvum, æppetgo [ 706 ]moskosi ja sævdnjadassi ja hirbmad ilbmai,

19 ja basun skagjami, ja sane jedni, maid guldalægjek rokkadalle, atte sadne i šat vela sigjidi celkkujuvvuši.

20 Dastgo dat sin gillamest i læm, mi gočču­juvvum læi, atte, jos vela spiri varrai guoskaši, de dat geđgiguim goddujuvvut galgai, daihe njuolai­guim baččujuvvut.

21 Ja nuft suorgadlaš dat læi, mi oidnujuvui, atte Moses celki: mon balost læm, ja doargestam.

22 Mutto Sion varrai di boattam læppet, ja ælle Ibmel siddi, almalaš Jerusalami, ja engeli ædnag duhat lusa;

23 vuostasrieǥadegji čoagganæbmai ja særv­vegoddai, guđek čallujuvvum læk almidi, ja Ibmel lusa, buokai duobmar, ja ollesen dakkujuvvum van­hurskasi vuoiŋai lusa;

24 ja ođđa litto gaskolbma lusa, Jesus, ja riško­tume varai lusa, mak buorebut sardnuk go Abel.

25 Varotækket ječaidædek, amadek di su hilg­got, gutte sardno. Dastgo jos si batarussi æi bæssam, guđek su hilgudegje, gutte Ibmel sane sarnedi ædnam ald, de mist galle batarussi bæs­sam lakkai i læk, jos gaǯǯarak mi læp su vuosstai, gutte almin bođi,

26 gæn suobman dalle ædnam likkati; mutto dal son loppedam læ, cælkededin: oft gærde vela mon im dušše fal ædnam likkat, mutto maida alme.

27 Mutto dat: “oft gærde vela“, diettevassi adda, atte, mi likkatuvvu, nubbastuvvumen læ, dastgo dat dakkujuvvum læ, vai dat, mi i likkatuvu, bissot galgga.

[ 707 ]28 Go mi dalle likkatmættom valddegodde oaǯ­ǯom læp, de orrop mi bisovaǯǯan armost, man boft mi Ibmelæmek dokkalaǯǯan mattep balvvalet ugjo­min ja gudnebaloin.

29 Dastgo maida min Ibmelæmek hævatægje dolla læ.

13. Kapittal.

1 Orrus veljalaš rakisvuotta bisovaš!

2 Allet vajaldatte burid dakkamest maŧkke­olbmui vuosstai; dastgo dam boft læk muttomak, dam dieđekættai, engelid guosotam.

3 Muittet sin, guđek gidda dillest læk, nuftgo si, guđek maida gidda dillest læk; sin, guđek bahaid gillek, nuftgo si, guđek maida ješ rubmašest læk.

4 Adnujuvvus naittus dille gudnest buokai lut, ja lekkus naittalam olbmui oađđemsagje duolva­kættai; mutto vaciš olbmuid ja furušegjid Ibmel duobmemen læ.

5 Lekkus ællemgærddadek ruthanesvuođataǥa, atte di duttavaš læppet dasa, mi dist læ; dastgo son ješ læ cælkkam: im eissigenrak du luoittet, ja im eissigenrak du guođđet aigo;

6 atte roakkadlašvuođain mi oaǯǯop cælkket: hærra muo vækketægje læ, ja im ballat aigo; maid matta suddogas munji dakkat?

7 Muittet din oapestegjidædek, guđek Ibmel sa­nid digjidi sarnedam læk; ja go sin ællem loap di gæčadæppet, de vagjolækket sin osko luodai mield.

8 Jesus Kristus jifti ja odna oft læ, ja vela aǥalaš aiggai.

[ 708 ]9 Allet luoite ječaidædek dolvvujuvvut dai moaddelaǥaš ja amas oapoin; dastgo buorre læ, go vaibmo evangelium armo boft diervasmattujuvvu, mutto i borramušai boft, mak æi maidegen avkid sigjidi addam læk, guđek dai sist adnam læk ječaidæsek.

10 Mist altar læ, mast borrat i lk loppe si­gjidi, guđek tabernakal balvvalægjek læk.

11 Dastgo dak spirik, mai varak bajemuš papa boft dam basse baike sisa guddujuvvujek suddo audast, dai rubmašak gođi šiljo olggobæld bald­dujuvvujek.

12 Manditti maida Jesus gavpug olggobæld gillai, olbmuid varaides boft basotet.

13 De vuolggop midamditti su lusa gođi šiljo olggobællai, su bilkadusa gilladedin;

14 dastgo dast orrom baikke mist i læk, mutto boatte mi occap.

15 Addop mi damditti alelessi su boft ibmel­assamek gittosoafferid, dat læ, njuofčamidamek šaddo, mak su nama dovdastægjek læk.

16 Mutto allet vajaldatte burid dakkat ja juoǥa­det; dastgo daggar oafferak ibmeli burist dokkijek.

17 Jægadækket din oapestegjidædek, ja læk­ket sigjidi gullolaǯak; dastgo din sieloidædek gocetægjek si læk, nuftgo si, guđek loǥo dakkat galggek, vai si iloin dam daǥaši, ja amasek šuok­kemen, dastgo dat i læk digjidi buorren.

18 Rokkadallat min audast; dastgo dam dorvost mi læp, atte buorre oamedovddo mist læ, nuftgo si, guđek juokke harrai burist vagjolet aigguk.

[ 709 ]19 Ja mon ravvim din dade æmbo dam dakkat, vai dade forgabut mon digjidi ruoftot addjuvum.

20 Mutto rafhe Ibmel, gutte aǥalaš litto varai boft jabmi lut bajas doalvoi dam stuorra savcai gæčče, min hærramek Jesusæmek,

21 son daǥaši din dokkalaǯǯan buok buorre dakkoi, atte su dato di dakkabættet, ja dujuši son din sist, mi sunji aldsis dokkalaš læ, Jesus Kri­stus boft; sunji gudne buok aǥalašvutti! Amen.

22 Mon rokkadallam dist, veljačak! valddet buorren dam ravvim sane! dastgo oanekaǯǯat digjidi čallam læm.

23 Diettet, atte Timotheus vellja besujussi læ luittujuvvum, gæin din oaidnet aigom, jos forg boatta.

24 Diervuođaid dakkat buok din oapestegji­dassadek, ja buok basse olbmuidi. Italia obmuk digjidi diervuođaid celkkek.

25 Arbmo digjidi buokaidi! Amen.

[Ebræalaǯaidi Italiast Timotheusin čallujuvui.]