Gramat Volapüka/Malüls

From Wikisource
Jump to navigation Jump to search
← Mayuds e minuds Malüls
Gramat Volapüka
Diläd: II →

23. Pün. papladon

1ido po set, kel no ninädon säki, büdi, vipi u vokädi.

2ido po vöds u notodots soeliks.

3ido po brefods.


24. Liunül, papladon

1ido vü sets, kels pakobiotanons ad pluset.

2ido in set valöpo uto, kö demü kleil zesüdon.


25. Pünaliunül; pagebon uto, kö pün no lönedon, klu vü sets, kels tefidons nog bosilo de od.


26. Telpün: papladon

1ido ad saitön vödiko pesagölosi u pepenölosi.

2ido lä numäds.

3ido lä läyümods (l. § 215!).


27. Säkamalül? papladon po säk.


28. Lintelekamalül! papladon

1ido po büd, po vip e po vokäd.

2ido po lintelek.

3ido po vokatif.


29. Stripül papladon fo e po vüset u notodot, kels binons lölöfiko plödü setatanam.


30. Finahukir papladon po saitot, po numäd u po läyümod, üf no pafinükons me malül votik.

Kanoy i leadön moön finahukiri, if saitot, numäd u läyümod pemalons so kleiliko ön mod votik, das no laboy doti anik tefü finod onas.


31. Kläms(), [], … pagebons zü vöds, vödeds, pläns, tradutods, pronimags, …, kels lölöfiko binons plödü setatanam.


32. Debreikamalül pagebon

1ido if set padebreikon sekü kod seimik, büä finon.

2ido in numäds pla vöds: e ret, e reta, … u pla brefod: e r.


1833. Saitamalül„“ jonidon ad malön saitoti, e foginamalül‚‘ ad malön in vödem Volapükik vödi foginik.

Po lartig kanoy moädön foginamalüli.


34. If dils vöda no pakobiopenons, kanoy dagebön malülis tel ad pladön vü dils at: yümamalül- e teilamalül.

A. Yümamalül papladon

1ido fo li e la.

2ido in penät fonetik ad malön, das lekazet binon in dil balid vöda, a.s: ‚curiosity‘ [kyurió-sítí] Lin. = nuläl.

3ido in foginavöds, in kels malül at nato komädon, a.s.: ‚arc-en-ciel‘ [arkán̂šĭä́l] Fr. = reinabob.

Ä. Teilamalül pagebon

1ido üf vöd muton pateilön sekü kod seimik ad silabs (samo: len fin kedeta) ud ön mod votik.

Pö teil ad silabs, vöd kanon pateilön ad spikasilabs, a.s: Vo⸗la⸗pük ud ad pükasilabs, a.s.: Vol⸗a⸗pük. Len fin kedeta vöd pateilon ai ad spikasilabs.

2ido in koboädavöds, if lim telid beginon me mayud, a.s: Nolüda⸗Merop.

3ido in koboyümavöds, if lims bofik koboyümota binons leigalonöfiks, a.s: general⸗maredal, lampör⸗reg.


35. Malüls votik in vödem Volapükik pageböls binons:

1ido bagafamalül§.

2ido noetamalüls: stelül*, krodül, …

3ido malüls matematik: leigamalül=, kobonumamalül+, detiramalül, naedamalül×, dilamamalül÷, …

4ido malüls in ted: dötumamalül%, dolaramalül$, …


← Mayuds e minuds Malüls
Gramat Volapüka
Diläd: II →