Glamat popiko-katekik Volapüka/J. – M. Vödabids nedeklinik
| ←IV. Valemiko glamatikos | V. Glamat patik | Pläns (kik)→ |
|
J. Ladvelibs
152. Ladvelìbs (‚advérbia‘) kiòm binoms zesüdikün ä geblikün(s)?
Ats: tudel (adelò), yesdel (ädelo), model (odelo); delò, neito; balido…, teliko, kilnà…; sun(o); gudikum(o); ìs, ùs; tè, tì; egelo, evelo, nevelo, nu; plu, um(o); no; ofen; ya; vem(o)…
153. Me tonab kiòm ladvelìbs pafomöl se ladyeks, ud se subsats… finoms?
Kösömo me tonab ò, mutöl panumön al glupi velibas, kel glup ailabom tonabi ät o, as tonabi kalad’ik.
NB. Ladvelib stadom plü po velib, ed ìs ladyek (as ladvelib) kanom blibön i nepevotöl. 62Ibo binos ofen vemo fikulik (lefikulik): distinön, và vöd tefik po velib binòm(-lá) ladvelib, ud ladyèk; a. s. in set: nek danüdom cunälik, ud cunäliko; latino te: ‚nèmo sáltat sòbrius‘; ab no: sòbrie. —
K. Pläpods
154. Pläpòds (‚præpositiònes‘) kiom aibinoms geblikün?
Ats: su, se, lä, büfo; plo (bif o: plè); kol, ta; in, me; segun, ma; al, po, pos; de, fa, dö; bif(ü), bü, bu, neletü, komü; du; zà…
155. Pläpods regoms deklinafali kiom?
- If säkon: kiplad? e kiplada?: pläpods alik laboms kimfali po ìts ok. — Ab nevelo pläpod sembal stadom in vp. po subsat okik; e nevelo sembal pläpodas regom kimafali, ud kimefali; s.!: kodötom in zif; ab no: in zife; ibo deklinafals (casus, kàsùs) po e bifü pläpods aibinoms levemo difik ä fikulik. U: demü dut oka pelobom vemo; ab no: demü duta, e nog lu: duta demü (deuto), u: demü dute, dute demü. Fövo s.!: ekömom de Melop (kiöpa?); ab ni: de Melopa, ni: de Melope, ni: de Melopi.
- Deklinafal kiom pagebom, if kanon säkön: kipladi?
Kimifal (‚accusativus‘, ákusatìvus); voto mutonöv fomön plo säk at pläpodis mödik patikis plo pläpod leigik in natapüks; a. s. in set at: kodötom in zifi, äl leyani…
L. Konyuns
63156. Konyùns (‚conjunctiones‘, kónyuŋkziònes) kiom binoms zitöl ofenüno?
Ats: è (bifü vokal sembal: ed, äs in tälapük; ye te in stül kilid); i (bifü vokals: id); ab (palestenüdöl: abu, abü); ven; ka (te po plulüèns), as, äs; ye (bifü vokals: yed); büfo; 'u, ü (bifü vokals: ud, üd; ab ü, üd: if vödi balimik sembali kanon pladön plänölo, lovepolölo… plà votimik(i), äso latino: sive, seu); dü; nì — nì —; bi…; s.!: labom kapäli e monis, i domis; ab ladi nonik…
M. Linteleks
157. Lintelèks (‚interjectiones‘, íntäryékziònes) kiom binoms ofenikün(s)?
Ats: ag! (bifü kosonats: agö!); adyö! kautö! susö! bafö! ekò! danö! dasò! gà! ö! spidö! zibö! filö! mö! püdö! lesì! tädö! läbö! stopö! vö! lü! sanö! lukö! lukiö! yufö! lilö! yö! lifö! liedö! makabö! mölodö! lanimö! benö! fì! velatö! dusö! takedö! sö! bifö! yì! vi! samö! vo! (jenosöd! jenosöz!)…
Sams tefü (dö) vödabids alik fol ats nedeklinik, o. b.: tefü ladvelibs, pläpods, konyuns e linteleks:
Datovolsöd geilik(o) Sölali ä lönugis Oma levemo glolikis, kelis ailabom sis tims tenüpik (tenüpa)!; benö! aispelobsöd gudikünosi(s) tefü (dö) vp.! e danolsöd ladlikün(o) benodeles (benodales) valik!; agö! votolsöd no egelo nomis, sod lenadolsöd pekopladölis kapäliko (nomis)!; löfobs flolis, ye hetobs spinis; mens (v)alik lifoms me nulüd(s), e 64vamomsok dubü (me) klotòt(s); bödils flitoms in foti; takedö! o tikäls netaked(äl)ik! sukolsöd ga maseles (maselis) ä flenes (flenis) menada! e lanimö! od ols vemo (le)temipiks làds ä làns!; velätö! eko lolis sa liäf(i)s!; pùls badik goloms viliko (löfòms golön[i]) nebü glügi; ab gudiks (puls goloms viliko) in glügi.
Yö! eko stori balid su meìd; ab in fot kuklit kanitom jöniküno; sägo svàls e stàrs ekömoms ya lonedo; ye no nog elogobs violäfis; no siedon fövo in hitatim lä fön; vok filö! nevelo binom lesumik du neìt; leno seivon flenis e neflenis in läb dulöl; läbö! glid meinelas tonom delo e neito; lönedans fiedik vokòms viliko rege oksa: lifö!, lifomö!; ìf làds gudik deditoms okis debalvoto in lif ud in deìl: sagoms balvotò: denulogö! jenosöz! —
| ← H. Velibs | J. – M. Vödabids nedeklinik Glamat popiko-katekik Volapüka |
Pläns (kik) → |