Fret, Inte
GABRIELE RIVA
FRET, INTE
Invern,
co te ne ardonz i barch
cori drio le nose peche,
zenza balegàne i pie.
Scuerdene de bianch
e ingiaza pur i vieri
o ziga a tuta os,
zenza mai insordìne i cor.
Slisa le gavade,
sbrisa anter le sfese
e brusa i ort e i pra,
zenza ne scotà le man.
Grata, strisa e mordi,
sbrega, sgrinfa e ongia.
Ma asene polsà,
vive in pase e tirà l fià.
Che l cin che aon de inte
el reste calt e bon.
De fora, tut d’intorn,
l é masa fret e sòn.
(Oltach)