Fenì
Jump to navigation
Jump to search
Le rime ades é fenì!
Spere de aer fat ben coscì.
Pian desche n cuch
Son sentà su n ciuch,
Dapò me cogne contentar de aer
Per scrivania na crigna de armer
Dut chest dant porta de tobià
Con doi giac che sauta encà e enlà.
E n pìciol da Moena per compagnìa
Che no me vegne ampò la malinconìa.
Con n pra mez da sear e mez seà
E i marudìe duc amò da cerir encà.
Ades lasce, vae a far polenta,
Che la fam l' é che la me tenta.