Evangelio secundo Luca/Capitulo 3
| ←Capitulo 2 | Evangelio secundo Luca Capitulo 3 |
Capitulo 4→ |
3.1 Le dece-quinte anno del regno de Tiberio Cesare, -quando Pontius Pilate era governator del Judea, Herodes tetrarcha del Galilea, su fratre Philippe tetrarcha del Iturea e del territorio del Trachonita, Lysanias tetrarcha del Abilena,
3.2 e in le tempore del soveran sacrificatori Anna e Caiphas, le parola de Deo era adressate ad Johannes, filio de Zacharia, in le deserto.
3.3 E ille vadeva in le integre pais in le vicinitate del Jordan, predicante le baptismo de repententia, pro le remission del peccatos,
3.4 secundo lo que es scribite in le libro del parolas de Esaia, le propheta: Es le voce de iste qui crita in le deserto: Prepara le cammino del Senior, applana su sentieros.
3.5 Omne vallea sera plenate, Omne montania e omne collina sera abassate; Lo que es tortuose sera rectificate, E le camminos scabrose sera applanate.
3.6 E omne carne videra le salvation de Deo
3.7 Ille ergo diceva ad iste qui veniva in turba pro esser baptisate per ille: Racias de viperas, qui vos apprendeva fugir le ira veniente?
3.8 Ergo produce fructos digne pro repententia, e non incipe dicer in vos ipse: Nos ha Abraham qua patre! Nam io vos declara que ab iste petras Deo pote suscitar infantes ad Abraham.
3.9 Jam mesmo le hacha de lignata es ponite al radice del arbores: ergo omne arbore que non produce bon fructos sera abattite e jectate al igne.
3.10 Le turba interrogava le, dicente: Quem nos ergo debe facer?
3.11 Ille repondeva ad illo: Que iste qui ha duo tunicas parti con iste qui ha nulle, e que iste qui a qualcosa pro eder age in le mesme modo.
3.12 Veniva etiam publicanos pro esser baptisate, e illi diceva ad ille: Maestro, quem nos debe facer?
3.13 Ille respondeva ad illi: Exige nihil extra lo que vos era ordinate.
3.14 Milites etiam quereva le: E nos, quem nos debe facer? Ille respondeva ad illi: Committe nec extorsion nec fraude verso nemo, e contenta vos per vostre soldo.
3.15 Como le populo era in expectation, que omnes se quereva in se ipse si Johannes non era le Christo,
3.16 ille respondeva ad omnes: Ego, io baptisa vos per aqua; sed ille veni, iste qui es plus potente quam me, e io non es digne disligar le corregia de su scarpas. Il, ille baptisara vos per le Sancte Spirito e per igne.
3.17 Ille ha su vanno in mano; ille mundara su area, e ille amassara le tritico in su granario, sed ille ardera le palea in un igne que non se extingue.
3.18 Es assi que Johannes annunciava le bon parola al populo, adressante ad illo itero multe altere exhortationes.
3.19 Sed Herode le tetrarcha, essente reprehendite per Johannes re Herodias, uxor de su fratre, pro omne mal actiones quem ille committeva,
3.20 itero adjungeva ad omne alteres celle recluder Johannes in prision.
3.21 Tote le populo se facente baptisate, Jesus etiam era baptisate; e, dum ille precava, le celo se aperiva,
3.22 e le Sancte Spirito descendeva super ille sub un forma corporal, como un columba. E un voce faceva audir ab le celo iste parolas: Tu es mi Filio ben-amate; in te io poneva tote mi affection.
3.23 Jesus habeva circa trenta annos quando ille incipeva su ministerio, essente, como on lo credeva, filio de Joseph, filio de Heli,
3.24 filio de Matthat, filio de Levi, filio de Melchi, filio de Jannai, filio de Joseph,
3.25 filio de Mattathias, filio de Amos, filio de Nahum, filio de Esli, filio de Naggai,
3.26 filio de Maath, filio de Mattathias, filio de Semei, filio de Josech, filio de Joda,
3.27 filio de Joanan, filio de Rhesa, filio de Zorobabel, filio de Salathiel, filio de Neri,
3.28 filio de Melchi, filio de Addi, filio de Kosam, filio de Elmadam, filio de Er,
3.29 filio de Jesus, filio de Eliezer, filio de Jorim, filio de Matthat, filio de Levi,
3.30 filio de Simeon, filio de Juda, filio de Joseph, filio de Jonam, filio de Eliakim,
3.31 filio de Melea, filio de Menna, filio de Mattatha, filio de Nathan, filio de David,
3.32 fils de Isai, filio de Jobed, filio de Booz, filio de Salmon, filio de Naasson,
3.33 filio de Aminadab, filio de Admin, filio de Arni, filio de Esrom, filio de Phares, filio de Juda,
3.34 filio de Jacob, filio de Isaac, filio de Abraham, filio de Thara, filio de Nachor,
3.35 filio de Seruch, filio de Ragau, filio de Phalek, filio de Eber, filio de Sala,
3.36 filio de Kainam, filio de Arphaxad, filio de Sem, filio de Noah, filio de Lamech,
3.37 filio de Mathusala, filio de Enoch, filio de Jared, filio de Maleleel, filio de Kainan,
3.38 filio de Enos, filio de Seth, filio de Adam, filio de Deo.