Epistola al Ephesios Capitulo 2

From Wikisource
Jump to navigation Jump to search
 1 E vos [qui Deo vivificava], vos qui esseva morte in vostre transgressiones e peccatos

 2 in los qual olim, vos camminava conforme le curso de iste mundo, secundo le prince
   del poter del aere, le spirito que ora opera in le filios del disobedientia.

 3 Inter le quales anque tote nos olim sequeva le luxuria de nostre carne, sequente le desiderios 
   del carne e del mente, e nos esseva per natura le filios del ira assi como le alteres.

 4 Mais Deo, qui es ric in misericordia, per su grande amor con lo qual ille nos amava,

 5 Anque quando nos esseva morte in peccato, nos vivificava juncto con Christo, 
   -- per gratia vos ha essite salvate -- 

 6 e ille nos elevava conjunctemente e nos faceva seder conjunctemente in le sitos celestial in Christo Jesus,

 7 a fin de que in le etates futur ille poterea monstrar nos le ricchessas superabundante 
   de su gratia in su benevolentia verso nos in Christo Jesus. 

 8 Pois que per gratia, vos ha essite salvate per medio del fide; e isto non per merito vostre:
   isto es le dono de Deo.

 9 Non per obras, a fin que necun homine se poteva vangloriar.

10 Proque nos es le producto de su obra, create in Christo Jesus pro facer bon operas, 
   los quales Deo habeva ordinate antea a fin que nos poteva camminar in illos. 

11 Per tanto, memora que olim vos esseva Gentiles in quanto al carne; vos esseva appellate
   incircumcises per illes qui se appella circumcises, incircumcision facite in le carne con le manos;

12 vos qui in celle tempore esseva sin Christo, essente alienate del derectos de citatano de Israel
   e extranee al pactos del promissa, non habente sperantia, e sin Deo in le mundo:

13 Mais ora, in Christo Jesus, vos qui olim esseva lontan ha devenite proxime per le sanguine de Christo.

14 Proque ille es nostre pace, qui faceva del duo gruppos un sol e destrueva
   le muro de partition que nos separava.

15 Per medio de su carne ille aboliva le inimicitate, e anque le lege del commandamentos
   que consisteva in ordinantias, pro crear in se mesme del duo, un sol nove homine, e assi facer le pace;

16 a fin de reconciliar plenmente con Deo ambe in un sol corpore per medio del cruce, habente 
   con illo occidite lor inimicitate.

17 E ille veniva a predicar vos le pace, a vos qui esseva lontan, e a illes qui esseva proxime,

18 a fin que per medio de ille nos, ambe, pote haber accesso per un mesme Spirito al Patre. 

19 Ora, dunque, vos vos non es plus extranee e estranieros, mais concitatanos 
   del sanctos e membros del casa de Deo,

20 essente edificate sur le fundamento del apostolos e prophetas, essente Christo Jesus mesme le petra angular.

21 Sur lo qual le edificio integre, unite harmoniosemente, va crescente pro devenir
   un templo sancte in le Senior.

22 In qui anque vos es edificate conjunctemente como habitation de Deo pro le Spirito. 

1 2 3 4 5 6


Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev