Epistola al Colossenses Capitulo 3

 1 Si dunque vos esseva resuscitate con Christo, cerca le cosas excelse 
   ubi Christo es sedite al dextre de Deo.

 2 Pensa vos al cosas excelse, non a illos del terra;

 3 pois que vos moriva, e vostre vita es occultate con Christo in Deo.

 4 Quando Christo, nostre vita, essera manifestate, alora etiam 
   vos essera con ille manifestate in gloria.

 5 Mortifica dunque vostre membros que es super le terra, le fornication, le impuritate,
   le luxuria, le concupiscentia e le cupiditate, que es idolatria.

 6 Per iste cosas veni le ira de Deo supra le filios del disobedientia;

 7 in le qual vos un tempore ambulava, quando vos viveva in illos.

 8 Sed nunc, depone vos tote iste cosas: ira, colera, malignitate, maledicentia, 
   e non lassar exir de bucca parolas dishoneste.

 9 Non mentir le unes al alteres,

10 ja que vos ha disvestite le homine vetere con su actos e revestite le homine nove, 
   qui se renova in cognoscentia secundo le imagine de Ille qui le ha create.

11 Hic, non ha Grec e Judeo, circumcise e incircumcision, barbaro, Scythian, sclavo,
   libere, sed Christo es omne cosa e in omnes.

12 Vesti vos dunque, como electos de Deo, sancte e amate, con entranias de misericordia, 
   de benignitate, de humilitate, de modestia, de patientia;

13 supporta vos le unes le alteres e perdona vos reciprocamente, si uno ha qualcosa
   contra un altere. Como le Senior vos ha perdonate, assi face etiam vos.

14 E supra tote iste cosas vesti vos del caritate que es le vinculo del perfection.

15 E le pace de Christo, al qual vos esseva vocate pro esser un sol corpore, regna 
   in vostre cordes; e sia vos recognoscente.

16 Que le parola de Christo habita in vos abundantemente; insenia e admone vos
   le unes al alteres con omne sapientia, cantante de corde a Deo, sub le impulso
   del gratia, psalmos, hymnos, e canticos spiritual.

17 E qualcunque cosa vos face, in parolas o in operas, face lo in nomine del Senior 
   Jesus, dante gratias a Deo Patre per medio de ille.

18 Mulieres, sia vos subjecte a vostre maritos, como es opportun in le Senior. 

19 Maritos, ama vostre uxores, e non sia vos aspere con illas.

20 Filios, sia vos obediente a vostre genitores in omne cosa, perque isto place al Senior.

21 Patres, non irritar vostre filios, a fin que illes non se discoragia.

22 Servos, obedi in omne cosa a vostre dominos secundo le carne; non serviente
   les solmente quando illes vos vide pro agradar al homines, sed con 
   simplicitate de corde, in le timor del Senior.

23 Qualcunque cosa vos face, face lo de bon corde, como si vos lo face pro 
  le Senior e non pro le homines;

24 sapente que ab le Senior vos recipera como recompensa le hereditate.

25 Servi vos, Christo le Senior! Perque qui age injustemente recipera le injustitia 
   que habera facite sin acception de persona.

1 2 3 4

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud

Rev